Shetinegen náresteniń ishki dene músheleri joǵalǵan
ASTANA. QazAqparat - Máskeý túbindegi Klın perzenthanasynda jańa týǵan náresteniń músheleri kesilip alynǵan. Іs tergelýde. Shetinegen ul balanyń denesin ashqan sarapshylar onyń júregin, baýyryn, tilin tappaǵan.
2014 jyldyń qazan aıynda áıeldiń dúnıege kelgen nárestesi bir táýlik ótpeı shetinep ketti. Perzenthana dárigerleri qoldan kelgenniń bárin istegenin, biraq balanyń júregi men ókpesi jumys istemeı qalǵanyn alǵa tartqan.
Bul rette qaıtys bolý týraly anyqtamada ishki organdar patologııasynyń sýrettelýi bolmady, al ÝDZ mamanynyń jasaǵan qorytyndysynda sharananyń paıda bolý merzimi durys jazylmaǵan. Qaǵazdarda qoltańbalar men qajetti mórler bolmady. Al balanyń denesin ashý qorytyndylary anasyn kúızeltti, dep jazady Ýtro.rý.
