Shetelmen readmıssııa týraly 15 kelisim daıyndalýda - Qalmuhanbet Qasymov
ASTANA. QazAqparat - Búgingi tańda 16 elmen readmıssııa týraly kelisimge qol qoıyldy. Búgin Parlament Májilisindegi Úkimet saǵatynda QR Іshki ister mınıstri Qalmuhanbet Qasymov osylaı málim etti, dep habarlaıdy QazAqparat.
«Sońǵy kezde zańsyz kóshi-qonmen kúresý maqsatynda readmıssııa ınstıtýtyn paıdalana bastadyq. Readmıssııanyń tártibi óte qarapaıym. Bul jerde shetel azamattary óz eline halyqaralyq kelisim boıynsha eriksiz qaıtarylady. Sottyń sheshimi qajet emes. Búgingi tańda 16 elmen readmıssııa týraly kelisimge qol qoıylyp, ratıfıkatsııalandy. Sonymen qatar, taǵy taıaý jáne alys shetelmen readmıssııa týraly 15 kelisim daıyndalýda jáne memleketishilik kelisýdiń túrli satysynda júr», - dedi mınıstr.
Osy oraıda vedomstvo basshysy readmıssııalanatyn adamdarǵa arnalǵan ortalyqtar salý máselesine toqtaldy.
«Halyqaralyq tájirıbe boıynsha elimizdegi readmıssııaǵa alynǵan adamdarǵa arnap arnaıy ortalyq ashylýy qajet. Olar osy ortalyqta qabyldanǵan sátten óz eline qaıtqanǵa deıin bolýy kerek. Bul máseleni sheshý joldaryn jergilikti atqarýshy organdarmen birge pysyqtaýdamyz», - dedi Qasymov.
Aıta keteıik, zańsyz kóshi-qonǵa qarsy is-qımylǵa baǵyttalǵan pármendi shara readmıssııa ınstıtýty, ıaǵnı zańsyz kelýshilerdi kelgen jaǵyna keri qaıtarý bolyp tabylady.
