Shetelge joldama satyp alarda operatordyń «Týrıstik Qamqormen» kelisimsharty bolýyn tekserý qajet

ASTANA. QazAqparat - Qazaqstan azamattary týrıstik kompanııalardan týroperatorlar men «Týrıstik Qamqor» korporatıvtik qory arasynda jasalǵan kelisimsharttyń bolýy týraly aqparatty anyqtaýy qajet, dep habarlaıdy QazAqparat.

«2016 jyldyń 18 qazanynda Qazaqstan Respýblıkasy Úkimeti týrıstik operatorlar óz mindettemelerin durys oryndamaǵan nemese oryndamaǵan jaǵdaıda qazaqstandyq týrısterdi tasymaldaý máselesin retteıtin qaýly jobasyn maquldady. Atalǵan jańalyq ol alǵash ret resmı jarııalanǵannan keıingi 10 kúntizbelik kúnnen soń qoldanysqa endi», - dep habarlady QR Investıtsııalar jáne damý mınıstrligi Týrızm ındýstrııasy departamentiniń dırektory Marat Iǵalı.

Onyń aıtýynsha, alaqol týroperatorlardyń kinásinen qazaqstandyq týrıster shet elderde qonaqtaıtyn orynsyz jáne/nemese keri qaıtar bıletsiz qalǵan jaǵdaı týyndaǵanda «Týrıstik Qamqorlyq» korporatıvtik qory qazaqstandyq týrısterdi ýaqytsha toqtaǵan elden respýblıkaǵa tasymaldaý sharalaryn qabyldaıtyn bolady.

«Osyǵan oraı QR Investıtsııalar jáne damý mınıstrliginiń Týrızm ındýstrııasy departamenti Qazaqstan Respýblıkasy azamattarynyń týrıstik ónim satyp alý barysynda týrıstik kompanııadan týrónimdi qalyptastyrǵan týroperator men «Týrıstik Qamqor» korporatıvtik qory arasynda jasalǵan kelisimsharttyń bolýy týraly aqparatty anyqtaýǵa nazaryn basa aýdartady», - dep atap ótken Iǵalı.

Júıe mynadaı kólemde banktik kepildiń bolýyn mindetteıdi: týroperatorlar úshin 5000 AEK (10 605 000 teńge), áýe kemesin jaldaýshy týroperator úshin 15000 AEK (31 815 000 teńge).