Shetelge zańsyz shyǵarylǵan 1 trln teńgeniń aktıvi men múlki qaıtaryldy
Quqyq qorǵaý organdary shetelge zańsyz shyǵarylǵan 1 trln teńgeniń aktıvteri men múlkin memleketke qaıtardy. Bul týraly Bas prokýrordyń orynbasary Ǵabıt Sadyrbekov aıtty, dep habarlaıdy Kazinform.
«Árıne, belgili bir nátıjeler bar. Ózderińiz de biletindeı, aktıvterdi qaıtarý jumysy Memleket basshysynyń tapsyrmasymen ótken jyldyń basynda bastalǵan edi. Búginde quqyq qorǵaý organdarymen shamamen 1 trln teńgeniń aktıvteri men múlki memleketke qaıtaryldy. Onyń 600 mln dollarǵa jýyǵy ózge ıýrısdıktsııadan qaıtarylǵan aktıvter sanalady. Eger naqtyraq aıtar bolsaq, meniń biletinim Arab Ámirlikterinen shamamen 15 mln dollar, Aýstrııadan 82 mln dollar, Lıhtenshteınnen 260 mln dollar, Gonkongtan 2 mln dollar qaıtaryldy. Jalpy, mysal óte kóp. Soǵan oraı ıýrısdıtsııa da ártúrli», - dedi ol «Habar 24» telearnasyndaǵy «Suhbat» baǵdarlamasyna bergen suhbatynda.
Onyń atap ótýinshe, shetelden bólek elimizdiń ishindegi aktıvter de memleketke qaıtarylyp jatyr.
«Aqsha qarajatynan bólek iri kompanııalardaǵy, bazarlardaǵy, qonaqúılerdegi, bıznes ortalyqtaryndaǵy úles, aktsııalar, tańdaýly jerler qaıtaryldy. Tipti elimiz úshin strategııalyq mańyzǵa ıe temirjoldar da bar», - dedi Ǵabıt Sadyrbekov.
