Shetelge shyǵatyn týrıstiń múlki saqtandyrylmaq
ASTANA. QazAqparat - Qazaqstanda shetelge shyǵatyn týrıstiń múliktik múddesi mindetti saqtandyrýdan ótedi. Bul týraly búgin Úkimettiń selektorlyq rejımdegi otyrysynda «QR-nyń keıbir zańnamalyq aktilerine saqtandyrý jáne saqtandyrý qyzmeti máseleleri boıynsha ózgerister men tolyqtyrýlar engizý týraly» zań jobasyn tanystyrǵan elimizdiń Ulttyq banki tóraǵasy Danııar Aqyshev málim etti, dep habarlaıdy QazAqparat.
«Týroperatordyń nemese týragenttiń azamattyq-quqyqtyq jaýapkershiligin mindetti saqtandyrý salasyndaǵy qoldanystaǵy zańnama týrısterdiń múddesin múldem tolyq qorǵamaıdy. Qazirgi kezde týrıster saqtandyrý tólemin shetelden qaıtyp kelgennen keıin jáne sottyń zańdy kúshine engen sheshimi boıynsha alady. Saqtandyrý oqıǵasy bastalǵanda týrıst shetelde qorǵalmaıdy. Týrıstiń saqtandyrý tólemin alý quqyǵy paıda bolatyn oqıǵalardyń tolyq tizbesi joq. Zardap shekken týrıstiń múddesin qorǵaý úshin saqtandyrý óteminiń somasy da birdeı emes», - dedi ol.
Onyń aıtýynsha, saqtandyrýdyń osy sanatynyń shyǵyndy bolýyna baılanysty osy qyzmetpen aınalysýǵa lıtsenzııasy bar 17 saqtandyrý uıymynyń 10-y ruqsattaryn keri tapsyrǵan
«Qazaqstandyq týrısterdi qorǵaý maqsatynda Zań jobasy shet elge shyǵatyn týrıstiń múliktik múddesin mindetti saqtandyrýǵa ótýdi kózdeıdi. Mindetti saqtandyrý baǵdarlamalary halyqaralyq talaptar men ónimderge saı keledi jáne týrıstiń ómiri men densaýlyǵyna zııan keltirýmen baılanysty bazalyq áleýmettik táýekelderdi qamtıdy. Qamtý esebinen saqtandyrý quny joǵary emes, kúnine 340 teńge, saqtandyrýmen qamtý - 3,4- 17 mln teńge aralyǵynda bolady», - dep túsindirdi Ulttyq banktiń basshysy.
Premer-Mınıstr Baqytjan Saǵyntaev atalǵan Zań jobasy Úkimet músheleri tarapynan tolyq qoldaýǵa ıe bolǵannan keıin, qujatty bir aıdyń ishinde Májilis qaraýyna engizýdi tapsyrdy.
