Shetelge shyǵatyn astanalyqtarǵa vaktsına alý usynyldy
ASTANA. KAZINFORM – Astana qalasynyń bas memlekettik sanıtarııalyq dárigeri Sarhat Beısenova túrli ınfektsııalardan qorǵaný maqsatynda eresekter men balalarǵa vaktsına alýǵa keńes berdi.
«Ońtaıly ımmýndy saqtaýdyń joly – ekpe alý. Vaktsına qolaıly epıdemıologııalyq jaǵdaıdy saqtaýǵa múmkindik beredi. Túrli sebeptermen nemese tikeleı bas tartyp vaktsına almaǵan adamdardyń ınfektsııa juqtyrý qaýpi joǵary. Infektsııany juqtyrýdyń arty asqynýǵa alyp kelýi múmkin», - dedi Sarhat Beısenova Astana qalasynyń kommýnıkatsııalar qyzmeti alańynda ótken baspasóz máslıhatynda.
Sondaı-aq elordanyń bas sanıtary shetelge sapar aldynda ekpe alǵan jón dep sanaıdy.
«Jaz mezgili demalys maýsymy ekeni belgili. Sondyqtan shetelge barar aldynda profılaktıkalyq ekpelermen aldyn ala saqtanýymyz kerek. Sebebi, vaktsınalardyń qoldaný erejeleri ártúrli, ımmýnıtettiń qorǵanysh qalqanyn qalyptastyrý úshin ýaqyt qajet. Esińizde bolsyn, vaktsınatsııa balalardy da, eresekterdi de ınfektsııanyń aýyr zardaptarynan qorǵaýdyń óte tıimdi ári qaýipsiz ádisi», - deıdi ol.
