Shetelge saparlaıtyn qazaqstandyqtar úshin mobıldik qosymsha jasalady
ASTANA. QazAqparat - QR Syrtqy ister mınıstrligi jýyq arada shetelge shyǵatyn qazaqstandyqtar úshin arnaıy mobıldik qosymshany iske qosýdy josparlap otyr, dep habarlaıdy «QazAqparat» HAA tilshisi.
«Syrtqy ister mınıstrligi qazirgi ýaqytta shetelge shyǵatyn qazaqstandyqtarǵa arnap mobıldik qosymsha jasap jatyr. Demek, shetelde oqys jaǵdaıǵa tap bolyp qalǵan adamdar osy mobıldik qosymshanyń qyzmetin paıdalana alady. Biz bul týraly aldaǵy ýaqytta tolyǵyraq habarlaımyz», - deıdi QR SІM baspasóz qyzmetiniń basshysy Ánýar Jaınaqov.
Onyń aıtýynsha, otandastarymyzdyń Túrkııada jol apatyna ushyraý oqıǵasy sapardy alyn ala saqtandyrý qajettigin kórsetip otyr.
«Men taǵy da bizdiń mınıstrliktiń sheteldegi mekemeleriniń tizimi SІM-niń resmı saıtynda baryn eske salyp ótkim keledi. Olardyń nómirin alyp júrgen durys. Sheteldegi mekemeler kez kelgen jaǵdaıda kómek beredi», - deıdi ol.
