Shetelge oqýǵa, jumysqa nemese kóshýge nıetti qazaqstandyqtarǵa qujat rásimdeý tártibi eskertildi
ASTANA. KAZINFORM – Shetelde bilim alýdy, jumys isteýdi nemese turaqty turýdy josparlap júrgen qazaqstandyqtarǵa keıbir qujattaryna aldyn ala apostıl qoıý qajet bolýy múmkin.
Mamandardyń aıtýynsha, shetelde qoldanylatyn birqatar qujattyń zańdy kúshi bolýy úshin oǵan apostıl rásimin jasatý talap etiledi.
– Apostıl – qujattyń túpnusqalyǵyn rastaıtyn halyqaralyq belgi. Ol Gaaga konventsııasyna qosylǵan memleketterde qujattyń jaramdy ekenin moıyndatýǵa múmkindik beredi, - dep túsindirdi «Azamattarǵa arnalǵan úkimettiń» ókilderi.
Memlekettik korporatsııanyń málimetinshe, bıyl jyl basynan beri apostıl qoıylǵan qujattardyń arasynda myna sanattar kóp kezdesedi:
- ádilet organdary, memlekettik organdar jáne notarıýstar bergen qujattar;
- mektepter, kolledjder jáne tehnıkalyq-kásiptik bilim berý uıymdary bergen qujattar;
- prokýratýra, tergeý jáne anyqtaý organdary rásimdegen qujattar;
- joǵary oqý oryndary men joǵary oqý ornynan keıingi bilim berý uıymdary bergen qujattar;
- sot organdary bergen qujattar.
Memlekettik korporatsııa azamattarǵa shetelge shyǵý aldynda qajetti qujattardy aldyn ala tekserip, rásimdeý jumystaryn ýaqytyly júrgizýge keńes berdi.
Eske salaıyq, 20 maýsymda joǵary oqý oryndaryna qujat qabyldaý bastaldy.
