«Shetelge oqýǵa jiberý erejesin bekitý týraly» Qazaqstan Respýblıkasy Bilim jáne ǵylym mınıstriniń buıryǵyna ózgerister engizildi

Qazaqstan Respýblıkasy Bilim jáne ǵylym mınıstrliginiń buıryǵy

2011 jyldyń 30 jeltoqsanynan  №549 buıryq

 «Shetelge oqýǵa jiberý erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 19 qarashadaǵy №613 buıryǵyna ózgerister engizý týraly

«Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-baby 41) tarmaqshasyna sáıkes buıyramyn:
1. «Shetelge oqýǵa jiberý erejesin bekitý týraly» Qazaqstan Respýblıkasy Bilim jáne ǵylym mınıstriniń 2008 jylǵy 19 qarashadaǵy №613 buıryǵyna (Normatıvtik quqyqtyq aktilerdi memlekettik tirkeý tiziliminde №5499 bolyp tirkelgen, «Zań gazetiniń» 2009 jylǵy 10 aqpandaǵy №20 (1443) jarııalanǵan) mynadaı ózgerister engizilsin:
buıryqtyń ataýy mynadaı redaktsııada jazylsyn:
«Shetelge, onyń ishinde akademııalyq oralymdylyq sheńberinde oqýǵa jiberý qaǵıdalaryn bekitý týraly.»;
buıryqtyń 1-tarmaǵy mynadaı redaktsııada jazylsyn:
«1. Qosa berilip otyrǵan Shetelge, onyń ishinde akademııalyq oralymdylyq sheńberinde oqýǵa jiberý qaǵıdalary bekitilsin.»;
kórsetilgen buıryqpen bekitilgen Shetelge oqýǵa jiberý erejesi osy buıryqqa qosymshaǵa sáıkes redaktsııada jazylsyn.
2. Strategııalyq josparlaý jáne aqparattyq tehnologııalar departamenti (A.Á.Nurmaǵambetov):
1) osy buıryqtyń belgilengen tártipte Qazaqstan Respýblıkasy Ádilet mınıstrliginde memlekettik tirkelýin;
2) osy buıryqtyń buqaralyq aqparat quraldarynda jarııalanýyn qamtamasyz etsin.
3. Osy buıryqtyń oryndalýyn baqylaý vıtse-mınıstr S.B.Shaıahmetovke júktelsin.
4. Osy buıryq alǵash resmı jarııalanǵan kúninen keıin kúntizbelik on kún ótken soń qoldanysqa engiziledi.

Mınıstr B.JUMAǴULOV.

Qazaqstan Respýblıkasy  Bilim jáne ǵylym mınıstriniń
2011 jylǵy «30» jeltoqsandaǵy №549 buıryǵyna qosymsha

Qazaqstan Respýblıkasy Bilim jáne ǵylym mınıstriniń
2008 jylǵy «19» qarashadaǵy №613 buıryǵymen bekitilgen

Shetelge, onyń ishinde akademııalyq oralymdylyq sheńberinde oqytýǵa jiberý qaǵıdalary

1. Jalpy erejeler
1. Osy Shetelge, onyń ishinde akademııalyq oralymdylyq sheńberinde oqýǵa jiberý qaǵıdalary (budan ári - Qaǵıdalary) «Bilim týraly» Qazaqstan Respýblıkasynyń 2007 jylǵy 27 shildedegi Zańynyń 5-baby 41) tarmaǵyna sáıkes ázirlendi jáne shetelge, onyń ishinde akademııalyq oralymdylyq sheńberinde oqýǵa jiberý tártibin aıqyndaıdy.
2. Osy Qaǵıdanyń sharttary «Bolashaq» halyqaralyq stıpendııasy sheńberinde konkýrs­qa qatysýshy úmitkerlerge taratylmaıdy.
3. Osy Qaǵıdalarda kelesi túsinikter qolda­nylady:
1) akademııalyq oralymdylyq - oqytý nemese zertteýler júrgizý úshin belgili bir akademııalyq kezeńge: semestrge nemese oqý jylyna óziniń joǵary oqý ornynda nemese oqýdy jalǵastyrý úshin basqa joǵary oqý ornynda kredıtter túrinde meńgergen bilim beretin oqý baǵdarlamalarynan mindetti túrde qaıta synaq tapsyra otyryp, basqa joǵary oqý ornyna (el ishinde nemese shetelge) bilim alýshylardy nemese oqytýshy-zertteýshilerdi aýystyrý;
2) bilim berý salasyndaǵy ýákiletti organ - bilim berý salasyndaǵy basshylyqty jáne sa­la­aralyq úılestirýdi júzege asyratyn Qazaq­stan Respýblıkasynyń ortalyq atqarýshy organy.
Shetelge, onyń ishinde akademııalyq oralymdylyq sheńberinde oqýǵa jiberý tártibi
4. Shetelge, onyń ishinde akademııalyq ora­lymdylyq sheńberinde oqýǵa jiberýdi joǵary jáne joǵary oqý ornynan keıingi bilim berý baǵdarlamalary boıynsha bilim berý sala­syn­daǵy ýákiletti organ jáne bilim berý uıymdary:
1) halyqaralyq kelisimder (halyqaralyq baǵdarlamalar, yntymaqtastyq týraly memorandýmdar men kelisimder, almasý jáne stıpen­dııalyq baǵdarlamalar);
2) Qazaqstan Respýblıkasynyń jáne shetel memleketteriniń bilim berý uıymdary arasyn­daǵy sharttar negizinde iske asyrady.
5. Shetelge, onyń ishinde akademııalyq ora­lymdylyq sheńberinde oqýǵa jiberý úshin bilim salasyndaǵy ýákiletti organ, sondaı-aq bilim berý uıymdary úmitkerlerdi irikteıtin konkýrs­tyq komıssııalardy qurady.
6. Úmitkerlerdi irikteýdiń negizgi ólshemderi:
bilim týraly qujattyń ortasha baly jáne/nemese akademııalyq kezeńniń qorytyndysy boıynsha aǵymdaǵy úlgerimi;
2) shet tilin bilý deńgeıi.
7. Shetelge oqýǵa jiberý úshin bilim sala­syndaǵy ýákiletti organ jáne bilim berý uıym­dary kelesi qujattardy qabyldaýdy júze­ge asyrady:
1) shetelde oqý úshin negizdeme-ótinish (erkin nysanda);
2) shetelge oqýǵa baratyn Qazaqstan Respýblıkasy azamatynyń osy Qaǵıdalarǵa qosym­sha­ǵa sáıkes belgilengen úlgide toltyrǵan saýalnamasy;
3) jeke kýáliktiń jáne/nemese ulttyq tólqujattyń kóshirmesi (sáıkestendirý úshin túpnusqa usynylmaǵan jaǵdaıda notarıýspen kýálandyrylǵan);
4) bilimi týraly memlekettik úlgidegi qujat­tardyń kóshirmeleri (sáıkestendirý úshin túp­nus­qa usynylmaǵan jaǵdaıda notarıýspen kýá­landyrylǵan);
5) bar bolǵan jaǵdaıda shet tilin biletinin rastaıtyn sertıfıkat (IELTS, TOEFL, HSK jáne t.b.);
6) «Densaýlyq saqtaý uıymdarynyń bas­tapqy medıtsınalyq qujattama nysandaryn bekitý týraly» Qazaqstan Respýblıkasy Den­saý­lyq saqtaý mınıstriniń mindetin atqarýshynyń 2010 jylǵy 23 qarashadaǵy № 907 buıryǵymen bekitilgen (Normatıvtik quqyqtyq aktilerdi memlekettik tirkeý tiziliminde № 6697 bolyp tirkelgen) (shetelge shyǵýshylar úshin) medıtsınalyq anyqtama (budan ári - medıtsınalyq anyqtama);
7) bar bolǵan jaǵdaıda maqtaý qaǵazdary­nyń, sertıfıkattardyń, dıplomdardyń, alǵys hattardyń kóshirmeleri;
8) bar bolǵan jaǵdaıda usynymdyq hattar;
9) transkrıpt (sheteldik joǵary oqý ornyna magıstratýra nemese bakalavrıat baǵdarla­malary boıynsha óz betimen túsken nemese oqyp júrgen tulǵalar úshin).
Bul rette kórsetilgen qujattardyń memle­ket­tik nemese orys tiline notarıaldy kýálan­dyrylǵan aýdarmalary usynylady;
10) tańdaǵan zertteý taqyryby boıynsha esse (PhD doktorantýra baǵdarlamasy boıynsha oqý úshin);
11) bar bolǵan jaǵdaıda ǵylymı jarııala­nym­darynyń nemese oqý-ádistemelik/ǵylymı ázirlemeleriniń tizbesi (PhD doktorantýra baǵdarlamasy boıynsha oqý úshin).
8. Joǵary jáne joǵary oqý ornynan keıingi baǵdarlamalar boıynsha shetelde oqý týraly tolyq aqparat bilim salasyndaǵy ýákiletti organnyń jáne bilim uıymdarynyń ınternet-resýrstarynda ornalastyrylady.
9. Akademııalyq oralymdylyq sheńberinde shetelge oqýǵa jiberýdi bilim berý uıymdary júzege asyrady.
10. Akademııalyq oralymdylyq sheńberinde shetelge oqýǵa jiberý úshin bilim berý uıymdary kelesi qujattardy qabyldaıdy:
1) Qazaqstan Respýblıkasy Bilim jáne ǵylym mınıstriniń 2011 jylǵy 20 sáýirdegi № 152 buıryǵymen bekilgen (Normatıvtik quqyq­tyq aktilerdi memlekettik tirkeý tiziliminde № 6976 bolyp tirkelgen) Kredıttik tehnologııa boıynsha oqytý protsesin uıymdastyrý qaǵıda­syna (budan ári - KTO qaǵıdasy) sáıkes nysan boıynsha bilim alýshynyń ótinishi;
2) usynym hattar;
3) derbes oqý jobasy;
4) transkrıpt kóshirmesi (bilim alýshy úshin);
5) medıtsınalyq anyqtama;
6) sheteldik JOO-nyń resmı shaqyrýynyń kóshirmesi;
7) JOO-nyń shetelge jiberý týraly buıryǵynyń kóshirmesi;
8) akademııalyq oralymdylyq sheńberinde eki aıdan astam ýaqytqa shetelge oqýǵa ji­beriletin úmitkerdiń ata-anasynyń (qamqorshy­larynyń, zańdy ókilderiniń) jazbasha kelisimi (18 jasqa tolmaǵan tulǵalar úshin);
9) bilim alýshy, qabyldaýshy jáne jiberýshi joǵary oqý oryndary arasynda qol qoıylǵan kelisim.
11. Akademııalyq oralymdylyq sheńberinde ár mamandyq boıynsha bilim berý salasyndaǵy ýákiletti organnyń kelisimimen shartqa qol qoıy­latyn sheteldik joǵary oqý oryndarynyń-seriktesterdiń tizimi bilim berý uıymdarymen anyqtalady.
12. Іrikteýden ótken úmitkerlermen KTO qaǵıdasymen bekitilgen nysan boıynsha úsh­jaqty kelisim jasalady.
13. Oqytýshylar akademııalyq oralym­dy­lyq sheńberinde bilim salasyndaǵy usynylatyn qyzmettiń sapasyn kóterýge baǵyttalǵan ǵyly­mı zertteýler júrgizý úshin oqýǵa jiberiledi.
14. Shetelge, onyń ishinde akademııalyq oralymdylyq sheńberinde oqýǵa jiberiletin úmit­kerlerdiń tizimi bilim berý salasyndaǵy ýáki­letti organnyń jáne bilim berý uıym­darynyń ınternet-resýrstarynda konkýrstyq komıssııa otyrysynan keıin eki kúntizbelik kún ishinde ornalastyrylady.
15. Іrikteýden ótken jáne shetelge, onyń ishinde akademııalyq oralymdylyq sheńberinde oqýǵa jiberiletin úmitkerlerdiń jeke isi on jumys kúni ishinde bilim berý salasyndaǵy yn­tymaqtastyq týraly shart jasalǵan shetel­diń dıplomatııalyq ókildigine jáne/nemese shetel memleketiniń bilim berý uıymdaryna jiberiledi.
16. Shetelde, onyń ishinde akademııalyq oralymdylyq sheńberinde oqýǵa konkýrstan ótken úmitkerlerdi jiberý merzimi oqytý elinde akademııalyq kezeńniń bastalýyna sáıkes ár jaǵdaıda derbes anyqtalady.

Buıryq Qazaqstan Respýblıkasynyń Ádilet mınıstrliginde 2012 jylǵy 8 aqpanda Normatıvtik quqyqtyq kesimderdi memlekettik tirkeýdiń tizilimine №7418 bolyp engizildi.

Shetelge oqýǵa baratyn Qazaqstan Respýblıkasy azamatynyń saýalnamasy respýblıkalyq BAQ-da jarııalandy.