Shetelge qolma-qol qansha valıýta áketýge bolady
QR Keden kodeksiniń 343-baby 1-tarmaǵynyń 7-tarmaqshasyna sáıkes, eger EAEO kedendik aýmaǵyna bir ýaqytta ákelý nemese EAEO kedendik aýmaǵynan bir ýaqytta áketý kezinde mundaı qolma-qol aqsha qarajatynyń jáne (nemese) jol chekteriniń jalpy somasy keden organyna jolaýshylarǵa arnalǵan kedendik deklaratsııany usynǵan kúnge qoldanysta bolatyn valıýta baǵamy boıynsha on myń AQSh dollaryna balamaly somadan asyp ketse, qolma-qol aqsha qarajaty jáne (nemese) jol chekteri kedendik deklaratsııalaýǵa jatady.
Alaıda, eldiń ulttyq múddelerin qorǵaý jáne qarjylyq turaqtylyqty qamtamasyz etý maqsatynda búgingi kúni QR Prezıdentiniń 2022 jylǵy 14 naýryzdaǵy №830 Jarlyǵy qoldanysta. Onda Qazaqstan Respýblıkasynyń Ulttyq Banki áketý kúnine belgilegen baǵam boıynsha eseptelgen jáne 10 000 (on myń) AQSh dollary balamasynan asatyn somadaǵy qolma-qol shetel valıýtasyn jáne (nemese) shetel valıýtasyndaǵy aqsha quraldaryn áketýge tyıym salynady.
Sonymen qatar, «Jeke paıdalanýǵa arnalǵan taýarlardy kedendik deklaratsııalaý týraly» Eýrazııalyq ekonomıkalyq komıssııa alqasynyń 2019 jylǵy 23 shildedegi №124 sheshimine sáıkes, 16 jasqa tolmaǵan jeke tulǵalardyń jeke paıdalanýǵa arnalǵan taýarlary týraly málimetter, atalǵan tulǵalarmen birge júretin tulǵanyń jeke paıdalanýǵa arnalǵan taýarlary týraly málimettermen birge bir jolaýshy kedendik deklaratsııada kórsetiledi.
Osylaısha, otbasynyń árbir múshesine (onyń ishinde 16 jasqa tolmaǵan balalar da bar) 10 000 (on myń) AQSh dollary balamasynan aspaıtyn qolma-qol shetel valıýtasyn áketýge ruqsat etiledi.
