Shetelge ketkenderge 8 mln teńgege dári-dármek resimdeý derekteri anyqtaldy - aýdıt
ASTANA. KAZINFORM – Medıtsınalyq qyzmetter kórsetýge bólingen qarajatty tıimsiz paıdalaný derekteri anyqtaldy. Bul týraly Májiliste MÁMS júıesin odan ári jetildirý taqyrybyna arnalǵan Úkimet Joǵary aýdıtorlyq palatanyń múshesi Nurlan Nurjanov málim etti.
- Aýdıt búkil densaýlyq saqtaý júıesi men negizgi memlekettik organdardyń biryńǵaı aqparattyq ortasynyń arasynda baılanystyń joq ekendigin kórsetti. Máselen, Densaýlyq saqtaý, Іshki ister jáne Ádilet mınıstrlikteriniń aqparattyq júıeleriniń derekterin salystyrý kezinde shetelge turaqty turýǵa ketken azamattarǵa 8 mln teńgege dári-dármek resimdeý faktileri anyqtaldy. Kelesi mańyzdy aspekt – qarjylyq tártip pen eseptilik. Aýdıt kezeńinde ambýlatorııalyq dári-dármekpen qamtamasyz etý jáne Tegin kepildendirilgen medıtsınalyq kómek esebinen medıtsınalyq qazmetter kórsetýge bólingen qarajatty tıimsiz paıdalaný 31 mlrd teńgeni, onyń ishinde Ulttyq qordyń qarajaty 13,2 mlrd teńgeni qurady. Tıimsizdiktiń negizgi sebepteri - sapasyz josparlaý, ıaǵnı ýaqtyly quqyqtyq qujattardy bekitpeý, qaldyqtardy eskermeý jáne basqa da máseleler, - dedi N. Nurjanov.
Onyń aıtýynsha, Áleýmettik medıtsınalyq saqtandyrý qorynyń respýblıkalyq bıýdjet pen Medıtsınalyq saqtandyrý júıesiniń qarajattarynyń paıdalanýyna qatysty qarjylyq esepterdi Qazaqstan Respýblıkasynyń býhgalterlik esep jáne qarjylyq eseptilik týraly zańnama aıasynda qalyptastyryp, usynbaǵandyǵy anyqtaldy.
Budan buryn habarlanǵandaı, 2024 jyly Joǵary aýdıtorlyq palata Áleýmettik medıtsınalyq saqtandyrý qory jáne onyń óńirlik fılıaldary qyzmetiniń tıimdiligine memlekettik aýdıt júrgizdi.
Áleýmettik medıtsınalyq saqtandyrý qorynyń qarjylyq modelinde birqatar kemshilik anyqtaldy.