Shetelge ketip qalǵan balalardyń shotyndaǵy qarajat saqtala ma

ASTANA. QazAqparat – Qarjy vıtse-mınıstri Dáýren Temirbekov Ulttyq qordan balalarǵa aýdarylǵan qarajat qaı jaǵdaıda buǵattalatynyn aıtty, dep habarlaıdy QazAqparat tilshisi.

«Eger 18 jasqa tolmaǵan bala elden ketip, Qazaqstan azamattyǵynan bas tartsa, onda bul tólemderdi talap ete almaıdy. Osy qarajat balalardyń arasynda qaıta bólinedi. Sonymen qatar, 18 jasqa deıin balanyń azamattyǵy ózgermeı, elden ketse, tólemderdi talap etý quqyǵy saqtalady», - - dedi D. Temirbekov Senat depýtattarymen kezdesý kezinde.

Onyń aıtýynsha, 18 jasqa tolǵannan keıin shottaǵy qarajat 5 nemese 10 jyl boıy saqtalady.

«Atalǵan merzimde qarajatqa suraý salynbasa, shottaǵy qarajat osy balalardyń zeınetaqy shotyna aýdarylady. Sonymen qatar, azamattyq zańnamaǵa sáıkes, jınaqtalǵan qarajatty muragerlik boıynsha berý múmkindigi qarastyrylady», - dedi vıtse-mınıstr.

Budan buryn habarlanǵandaı, Dáýren Temirbekov «Ulttyq qor – balalarǵa» jobasy aıasynda aýdarylatyn qarajat týraly aıtty.

Balanyń shotyna jyl saıyn 150-160 AQSh dollar somasynda qarajat aýdary eskerilgen.

Shotta jınaqtalǵan qarajatty 18 jasqa tolǵandar ǵana paıdalana alady.

Bul shottaǵy qarjyny bilim alýǵa nemese turǵyn úı satyp alýǵa jumsaýǵa bolady.