Shetelge qaraǵanda Qazaqstanda organdardy aýystyrý arzanǵa túsedi
ASTANA. QazAqparat - Shetelge qaraǵanda Qazaqstanda organdar men tinderdi aýystyrý quny birshama arzanǵa túsedi. Bul týraly QazAqparattyń resmı saýalyna oraı QR Densaýlyq saqtaý jáne áleýmettik damý mınıstrliginen málim etti.
«Máselen, Qazaqstanda jilik maıyn almastyrý 31 myń AQSh dollaryn, al shetelde 120-dan 280 myń AQSh dollaryna deıin, júrek transplantatsııalaý 90-95 myń AQSh dollaryn, shetelde 150-450 myń AQSh dollaryn, búırek almastyrý 17,5-24,5 myń AQSh dollaryn, shetelde 40-50 myń AQSh dollaryn, baýyr almastyrý 35-45 myń AQSh dollaryn, shetelde 120-150 myń AQSh dollaryn quraıdy», - delingen vedomstvo jaýabynda.
Sondaı-aq mınıstrlik aqparatyna qaraǵanda, Qazaqstan aýmaǵynda júrgen sheteldikter qorshaǵan ortaǵa qaýip tóndiretin aýyr aýrýǵa dýshar bolǵan jaǵdaıda medıtsınalyq kómektiń tegin kepildendirigen kólemi aıasynda aqysyz dárigerlerge qara alady. Sonymen qatar olar jibergen taraptardyń, azamattardyń jeke qarjysy, kásiporyndardyń, uıymdardyń qaıyrymdylyq jarnalary esebinen de aqyly medıtsınalyq kómekke júginýge múmkindikteri bar.
