Shetelge qaraǵanda Qazaqstanda emdelý 2 ese arzan - S.Qaıyrbekova
ASTANA. QazAqparat - Shetelge qaraǵanda Qazaqstanda emdelý 2 ese arzan. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte Densaýlyq saqtaý mınıstri Salıdat Qaıyrbekova málim etti.
«Bizde joǵary tehnologııalardy engize bastaýdyń arqasynda adamdarymyzdy shetelge emdeýge az jibere bastadyq. Aıtalyq, búırek almastyrý shetelde 4,5 mln. teńgeni quraıdy. Al búginde Qazaqstanda biz mundaı operatsııany ózimizdiń klınıkalarda jasap, 2,1 mln. teńge tóleımiz. ıAǵnı, eshqaıda barýdyń qajeti joq. Bir adamdy shetelge jiberip emdetkennen, Qazaqstanda birneshe adam emdeýge bolady», - dedi mınıstr. Onyń atap ótýinshe, vedomstvo jumysyna jańa ádister engizilýde. Sonyń nátıjesinde aǵymdaǵy jyly bıýdjet qarajaty aıtarlyqtaı únemdelip otyr. «Buryndary bizderde kóp qarjy statsıonarlarǵa, qymbat emdeý sharalaryna jumsalatyn. Búginderi biz statsıonarlardyń aqsha paıdalaný deńgeıin tómendete aldyq», - degen S.Qaıyrbekova kúndizgi statsıonarlar qyzmetin keńeıtýdiń arqasynda 76 mlrd. teńge únemdelgenin basa aıtty.
