Shetelge emdelýge onkologııalyq aýrýlardyń qaı túrleri baǵyttalady
Búgin Parlament Májilisinde ótken Úkimet saǵatynda depýtat Káribaı Musyrman shetelge emdelýge baratyn onkologııalyq naýqastar týraly surady.
«Kóptegen qazaqstandyqtar óz boılarynda qaterli isik derti anyqtalǵannan keıin, emdelýge shetelge ketip jatady. Kóbinese, Otústik Koreıaǵa, Qytaıǵa jáne Reseıge barady. Óıtkeni elimizde onkologııalyq naýqastardy emdeýdiń keıbir tıimdiligi joǵary ádisteri qoldanylmaıdy. Mysaly, ıadrolyq jáne protondy terapııa, sondaı-aq donorlardyń jetispeýshiligine baılanysty jilik maıyn (súıek kemigin) aýystyrý shektelgen. Sonymen qatar, naýqastar dárigerlerdiń biliktiligine senimsizdigi ári statsıonarlardaǵy jaǵdaılarǵa kóńilderiniń tolmaýy da oryn alyp otyr», - dep toqtaldy depýtat.
Osy oraıda K. Musyrman qandaı onkologııalyq aýrýlardy tek shetelde emdetý qajet ekenin surady.
Óz kezeginde mınıstr Eljan Birtanov elimizde arnaıy komıssııa jumys isteıtinin, bul turǵyda shetelge jiberiletin naýqastardyń tizimi qaralatynyn aıtty.
«Birinshiden, elimizde protondyq terapııa bolmaǵannan keıin, jyl saıyn balalardy sheteldik ortalyqtarǵa jiberýdemiz. Sonymen qatar 20-ǵa jýyq naýqasty gamma-terapııaǵa baǵyttaımyz. Bıyl Ulttyq neırohırýrgııa ortalyǵynda arnaıy ortalyq ashylyp,kelesi jyldan bastap búkil em-domdy elimizde qamtıtyn bolamyz», - dedi mınıstr.
Onyń sózine qaraǵanda, jyl saıyn qan aýrýlaryna shaldyqqan balalar da shet memleketke transplantatsııaǵa jiberiledi.
«Búginde Qazaqstandaǵy eki ortalyqta transplantatsııa jasaýdamyz, biraq ta keı jaǵdaılarda donorlar bolmaǵannan keıin, donorlardy qarastyrý aıasynda halyqaralyq ortalyqtarǵa baǵyttaımyz. Bul másele baqylaýda, jyl saıyn ózimizdegi transplantatsııalardyń sanyn kóbeıtip jatyrmyz. Osy rette shetelge jiberiletin onkologııalyq aýrýlardyń deńgeıi tómendep keledi», - dedi E. Birtanov.
Budan buryn habarlanǵandaı, Úkimet saǵaty barysynda mınıstr qazaqstandyqtar qaterli isiktiń qaı túrine jıi shaldyǵatynyn aıtty.