Shetelge demalysqa shyqqan reseılikterdiń 90% koronavırýsty Túrkııada juqtyrǵan
MÁSKEÝ. TASS – QazAqparat – Shetelde júrip koronavırýs juqtyrǵan reseılikterdiń 90% jýyǵy Túrkııadaǵy demalystan oralǵandar, dep habarlady dúısenbi kúni Rospotrebnadzor basshysy Anna Popova RF úkimeti janyndaǵy Koronavırýsqa qarsy kúres jónindegi úılestirý keńesiniń otyrysynda. Bul týraly QazAqparat TASS agenttigine silteme jasap habarlaıdy.
«1 tamyzda Túrkııamen shekara ashylǵannan keıin elge 1,5 mln-ǵa jýyq adam oraldy. Bizdiń ortaq monıtorıngte vırýsqa shaldyqqandardyń 10 myńnan kóbi, ıaǵnı 90% Túrik Respýblıkasynan kelgen adamdar. Sol sebepti muny talqylap, qajetti shara qoldaný kerek», - dedi Popova.
Buǵan deıin Reseıdiń koronavırýsqa qarsy kúres jónindegi jedel shtaby pandemııaǵa baılanysty shekarany qaıta jabýdy usynbaıtynyn habarlady.
Reseı áýe qatynasyn alǵashqy bolyp úsh memleketpen jandandyrǵan bolatyn. Olardyń qatarynda Túrkııa bar. 2020 jyldyń 1 tamyzynan Ulybrıtanııa jáne Tanzanııamen halyqaralyq áýe baılanysy qalypqa keltirilgen bolatyn