Shetelge aqshany zańsyz shyǵarǵandardy jaýapqa tartý qıyn - Qarjy mınıstrligi

ASTANA. QazAqparat - Búgin Parlament Senatynda QR Qarjy mınıstrligi Memlekettik kirister komıteti tóraǵasynyń orynbasary mindetin atqarýshy Ýálıhan Dildábaev valıýtalyq zańnamany buzǵandardy jaýapkershilikke tartýdyń qıyndyqtaryn aıtty, dep habarlaıdy QazAqparat.

«Valıýtalyq túsimdi qaıtarmaǵany úshin qylmystyq jaýapkershilik QR QK-niń tek bir ǵana babynda qarastyrylǵan. Alaıda osy baptyń ózimen jaýapkershilikke tartý problemaly bolyp otyr. Sebebi kináli adamnyń pıǵylyn dáleldeýdiń qıyndyǵy turǵysynda, baptyń redaktsııasy osy qubylyspen tolyqqandy kúresýge múmkindik bermeıdi», - dedi Dildábekov valıýtalyq baqylaý máselesine arnalǵan jıynda.

 Osy oraıda ol tirkelgen statıstıkalyq málimetterdi atady.

«Bizde 2013-2014 jyldary sol kezdegi qarjy polıtsııasy organdarymen 24 is qozǵalyp, onyń ishinde eshbir is aıaqtalmady jáne sotqa joldanbady. 2015 jyldan 2017 jyl aralyǵynda Memlekettik kirister komıtetimen shetelden qarjynyń qaıtarylmaýyna qatysty 239 fakti tirkeldi. ıAǵnı, 239 faktiniń ishinde 102-si qylmys quramynyń quramynyń joqtyǵynan toqtatyldy. Sotqa tek eki is qana baǵyttaldy», - dedi Ýálıhan Dildábaev.