Sheteldikterge jer satý týraly jalǵan aqparat resmı túrde joqqa shyǵaryldy
ASTANA. KAZINFORM – Jalǵan aqparatqa qarsy is-qımyl ortalyǵy Qazaqstan Respýblıkasynyń jańa Konstıtýtsııasy jobasynyń mátininde sheteldikterge jer satýǵa tyıym salý alynyp tastaldy degen jalǵan aqparat taralǵanyn habarlady.
Ortalyq atalǵan aqparattyń shyndyqqa sáıkes kelmeıtinin jáne faktilerdi burmalaý bolyp sanalatynyn málimdedi.
– Qazaqstan Respýblıkasynyń qoldanystaǵy Konstıtýtsııasynyń 6-baby 3-tarmaǵyna sáıkes «jer jəne onyń qoınaýy, sý kózderi, ósimdikter men janýarlar dúnıesi, basqa da tabıǵı resýrstar» jónindegi tujyrym jańa Qazaqstan Respýblıkasynyń Konstıtýtsııasy jobasyndaǵy tujyrymmen birdeı bolyp tabylady jáne qandaı da bir ózgeristerge ushyraǵan joq. Qosymsha atap ótemiz, Konstıtýtsııalyq reforma jónindegi komıssııa atalǵan normalar ózgerissiz qalýǵa tıis ekenin rastady. Budan bólek, eger buryn memlekettiń tutastyǵy men ýnıtarlyǵy máselelerine qatysty erejeler qorytyndy jáne ótpeli qaǵıdalarda qamtylǵan bolsa, jańa Konstıtýtsııa jobasynda olar konstıtýtsııalyq qurylystyń negizderi retinde bastapqy taraýlarda bekitilgen. Bul memlekettiń aýmaqtyq tutastyǵy men bazalyq qaǵıdattarynyń ózgermeıtindigine beriletin quqyqtyq kepildikterdi edáýir kúsheıtedi, - delingen habarlamada.
2026 jylǵy 30 qańtardaǵy Qazaqstan Respýblıkasynyń jańa Konstıtýtsııasy jobasynyń 2-baby:
2-t. Qazaqstan Respýblıkasynyń Egemendigi onyń búkil aýmaǵyn qamtıdy. Memleket óz aýmaǵynyń tutastyǵyn, bólinbeýin, oǵan qol suǵylmaýyn qamtamasyz etedi.
6-t. Qazaqstan Respýblıkasynyń Egemendigi, Táýelsizdigi, ýnıtarlyǵy, aýmaqtyq tutastyǵy men basqarý úlgisi ózgermeıdi.
– Osylaısha, sheteldikterge jer satýǵa tyıym salýdyń kúshin joıý týraly málimdemelerdiń quqyqtyq negizi joq jáne azamattardy jańylystyrady. Jalǵan aqparatqa qarsy is-qımyl ortalyǵy faktilerdi ádeıi burmalaý jáne manıpýlıatsııalyq aqparatty taratý quqyqtyq saldarǵa ákelýi múmkin ekenin eske salady jáne azamattar men medıa qaýymdastyq ókilderin málimetterdi resmı derekkózderden tekserýge, sondaı-aq destrýktıvti jáne manıpýlıatsııalyq túsindirmelerdiń taralýyna jol bermeýge shaqyrady, - dedi Jalǵan aqparatqa qarsy is-qımyl ortalyǵynan.
Sarapshy jańa Konstıtýtsııa memleket pen qoǵam arasyndaǵy qarym-qatynastyń jańa erejesin belgileıtinin aıtqan bolatyn.