Sheteldikterge jer berilip jatyr ma – mınıstr jaýaby

ASTANA. KAZINFORM – Aýyl sharýashylyǵy mınıstri Aıdarbek Saparov Úkimette ótken brıfıngte jer máselesi týraly tilshiler suraǵyna jaýap berdi.

− Áli kúnge deıin jelide «Qazaqstan Qytaıǵa keń kólemde jer telimin beredi» degen aqparat aıtylyp júr. Osyǵan baılanysty óz aýzyńyzdan naqty jaýap estigimiz keledi, − dedi tilshiler.

− Shynynda Jer resýrstaryn basqarý komıteti bizde. Jerdi biz baqylaýda ustaımyz. Óıtkeni Jer kodeksine baılanysty, sheteldikterge eshqandaı jer berilmeıdi. Arendaǵa da berilmeıdi. Sondyqtan eshqandaı jer berilip jatqan joq. Ol feık. Onda ózimizdiń sharýashylyqtar jumysyn jasap jatyr, − dedi Aýyl sharýashylyǵy mınıstri Aıdarbek Saparov Úkimette ótken brıfıngte.

Aıta keteıik, Qyzylordada memleket menshigine ótken jer sharýalarǵa berilip jatyr.

2024 jyly Jer resýrstaryn basqarý jónindegi komıtet júrgizgen tekserýlerdiń qorytyndysy boıynsha 3,7 myń ákimshilik is qozǵalyp, 500 mln teńge aıyppul salynǵan.

Sondaı-aq, Ekologııa jáne tabıǵı resýrstar mınıstri Erlan Nysanbaev aýa raıy boljamdaryn baıandap, qurǵaqshylyq bolýy múmkin óńirlerdi atady jáne egin egý jumystaryn erterek bastaýdy usyndy.