Sheteldikterge jeke sáıkestendirý nómirin berý qaǵıdalary ózgeredi
ASTANA. KAZINFORM — Elimizde ýaqytsha júrgen shetel azamattary men azamattyǵy joq adamdarǵa jeke sáıkestendirý nómirin (JSN) berý jáne ony túzetý tártibine ózgerister engizý usynyldy.
Іshki ister mınıstrliginiń ashyq normatıvtik-quqyqtyq aktiler portalynda jarııalanǵan buıryq jobasyna sáıkes, qujatta sheteldikterdiń Qazaqstanda bolýynyń nemese turýynyń zańdylyǵyn ımmıgranttardyń etalondyq derekter bazasyndaǵy málimetter negizinde tekserý tártibi qarastyrylǵan.
Jobany iske asyrý shetel azamattary men azamattyǵy joq adamdarǵa JSN qalyptastyrý jáne túzetý boıynsha memlekettik qyzmet kórsetý kezinde olardyń Qazaqstanda bolý zańdylyǵyn tekserýge múmkindik beredi. Sonymen qatar qyzmet kórsetý barysynda paıdalanylatyn derekterdiń durystyǵyn arttyrý kózdelgen.
Buǵan deıin ІІM JSN-di ózgertýge qatysty aqparatqa túsinikteme bergen edi.
