Sheteldikterge Chehııa partııalaryna kirýge ruqsat berilýi múmkin

ASTANA. KAZINFORM — Eýropalyq Odaq azamattary Chehııanyń saıası partııalaryna múshe bola alady, dep habarlaıdy AZERTADJ.

Bul tómengi palata maquldaǵan jáne senatorlardyń qaraýyna jiberilgen zań jobasynda eskerilgen. Zań jobasyna sáıkes, «Chehııa partııasy men qozǵalysynyń múshesi 18 jasqa tolǵan jáne Cheh Respýblıkasynda turaqty nemese ýaqytsha turýǵa ruqsaty bar EO-ǵa múshe basqa memlekettiń azamaty da bola alady».

Joǵarǵy palata ókilderi zań jobasy boıynsha bir aı ishinde pikir bildirýi tıis, sodan keıin ol Prezıdent Petr Pavelge qol qoıýǵa jiberiledi. Eger túzetý qabyldansa, jańa erejeler zań memlekettik reestrde jarııalanǵannan keıingi kúni kúshine enedi.

Cheh zań shyǵarýshylary bul qadamdy EO sotynyń ótken jyldyń 19 qarashasyndaǵy sheshimine jaýap retinde jasap otyr. Sot Chehııadaǵy tek cheh azamattary ǵana ulttyq partııaǵa múshe bola alatyn tájirıbe EO-nyń basqa turǵyndarynyń quqyqtaryn buzady dep eske saldy. Eger saıasatkerler ózgeristerge qol jetkizbese, Chehııa sot isteri men qarjylyq sanktsııalar qaýpine ushyraıdy.

Buǵan deıin Chehııanyń Ulttyq banki EO-da krıptoaktıvterdiń alǵashqy ustaýshysy atanýy múmkin ekeni aıtyldy.