Sheteldikterdiń Qazaqstan aýmaǵynda sýrrogat ana qyzmetine tapsyrys berýine tyıym salynbaq
ASTANA. KAZINFORM – Premer-mınıstrdiń orynbasary Qanat Bozymbaev Májilis depýtatynyń saýalyna bergen jaýapta sýrrogat ana qyzmetin retteıtin zańnama qaı baǵytta jetildiriletinin málim etti.
– Qoldanystaǵy zańnama boıynsha, qazir Qazaqstan Respýblıkasynyń azamattary da, shetel azamattary da sýrrogat ana qyzmetine tapsyrys bere alady. Іs júzinde halyqaralyq sýrrogat ana bolý jaǵdaılarynda túrli qaqtyǵystar men sot protsesteri týyndaı bastady. Osyǵan baılanysty Qazaqstan Respýblıkasynyń aýmaǵynda sýrrogat ana bolý qyzmetin tek Qazaqstan azamattaryna ǵana kórsetý týraly normany belgileý bóliginde zańnamaǵa ózgerister engizý qajettiligi pisip-jetildi. QR Densaýlyq saqtaý mınıstrligi QR «Neke (erli-zaıyptylyq) jáne otbasy týraly» kodeksine túzetýler ázirlep, múddeli memlekettik organdarmen kelisý satysynda tur. Múddeli memlekettik organdardyń kelisimin alǵannan keıin Parlamentke belgilengen tártippen engiziledi, - delingen jaýapta.
Qanat Bozymbaev salaǵa memlekettik baqylaýdy kúsheıtý úshin Ádilet mınıstrligi sýrrogat ana bolý sharttaryn Birtutas notarıattyq aqparattyq júıede mindetti esepke ala bastaıtynyn da aıtqan.
Eske salsaq, Prezıdent Qasym-Jomart Toqaev Ulttyq quryltaıdyń V otyrysynda bilim berý salasyn memlekettik qarjylandyrýdyń qoldanystaǵy tártibi burmalanǵanyn aıtqan bolatyn.
Eske salsaq, mundaı tyıymdy Májilis depýtaty Gúldara Nurym usynǵan edi.