Sheteldikterdi Qazaqstan aýmaǵy arqyly Eýropaǵa zańsyz ótkizýmen aınalysqan top quryqtaldy
2023 jylǵy 18 qyrkúıekte Almaty qalasynda Ulttyq qaýipsizdik komıteti zańsyz kóshi-qon arnasyn uıymdastyrdy jáne para berdi degen kúdikpen Qazaqstannyń eki azamaty men sheteldikti ustady.
Tergeý boljamy boıynsha, olar zańsyz mıgranttardy Qazaqstan aýmaǵy arqyly Eýropa elderine ótkizýdi josparlaǵan, dep habarlaıdy QazAqparat QR Ulttyq qaýipsizdik komıtetiniń baspasóz qyzmetine silteme jasap.
Tintý barysynda qoldan jasalǵan qujattar, sondaı-aq birqatar shet memleketterdiń ótkizý pýnktteriniń kúni kórsetilgen mórtaban tańbalary anyqtaldy.
Materıaldar Qylmystyq kodekstiń 367 jáne 394-baptary boıynsha Sotqa deıingi tergep-tekserýdiń biryńǵaı tizilimine tirkeldi.
«Qylmystyq-protsessýaldyq kodekstiń 201-baby 1-bóligine sáıkes ózge aqparat jarııa etýge jatpaıdy»,-delingen UQK baspasóz qyzmeti taratqan aqparatta.
