Sheteldikter nelikten Qazaqstannyń joǵary oqý oryndaryn tańdaıdy
ASTANA. KAZINFORM – Qazaqstan joǵary bilim berý salasynda Azııadaǵy iri habtardyń birine aınalyp keledi. Sheteldik stýdentter ne sebepti bizdiń eldi tańdaıdy? Kazinform tilshisiniń saýalyna oraı, Ǵylym jáne joǵary bilim mınıstrligi sheteldik stýdentterdi elimizge tartyp turatyn birneshe negizgi faktordy atap kórsetti.
Bilimniń qoljetimdiligi
Qazaqstandaǵy bilim berý baǵdarlamalary — qazaq, orys jáne aǵylshyn tilderinde. Bul ártúrli tilde sóıleıtin jáne túrli mádenı ortadan kelgen stýdentterge bilim alýdy yńǵaıly etedi. Ýnıversıtetter aǵylshyn tilindegi baǵdarlamalardy belsendi túrde iske qosyp jatyr, bul ásirese Ońtústik Azııa men Taıaý Shyǵystan kelgen stýdentter úshin mańyzdy.
Ekonomıkalyq tıimdilik
Qazaqstanda oqý jáne turý quny Eýropa, AQSh jáne keıbir Azııa elderine qaraǵanda áldeqaıda tómen. Bul sapaly bilimdi az shyǵynmen alýǵa múmkindik beredi.
Stıpendııalyq baǵdarlamalar
2019 jyldan bastap Qazaqstan sheteldik stýdentterge, sonyń ishinde QR azamattyǵy joq etnıkalyq qazaqtarǵa arnalǵan memlekettik stıpendııalyq baǵdarlamany júzege asyryp keledi. Bul elimizde bilim berýdi odan ári qoljetimdi ári tartymdy ete tústi.
Dıplomdardyń moıyndalýy
Elimizdegi JOO-lardyń dıplomdaryn halyqaralyq deńgeıde moıyndatý baǵytynda belsendi jumys júrgizilip keledi. Lıssabon konventsııasyn ratıfıkatsııalaý Qazaqstan dıplomdarynyń 55 elde, sonyń ishinde Eýropa elderi, AQSh, Kanada jáne Aýstralııa memleketterinde tanylýyn qamtamasyz etti. Sondaı-aq 2010 jyldan bastap Qazaqstan Bolon úderisiniń tolyq múshesi sanalady, bul eýropalyq bilim berý standarttaryna saı bolýǵa septigin tıgizdi.
Azııa-Tynyq muhıty aımaǵymen ıntegratsııa
Qazir Qazaqstan joǵary bilim salasyndaǵy biliktilikti taný jónindegi Tokıo konventsııasyna qosylý týraly zań qabyldaý satysynda. Bul Qytaı, Japonııa, Ońtústik Koreıa, Indonezııa jáne Aýstralııa syndy elderde dıplomdardy jeńildetilgen tártippen tanýǵa jol ashady. Mundaı ıntegratsııa akademııalyq beıimdelýdiń jedeldeýin, ózara bilim almasý baǵdarlamalarynyń keńeıýin, qos dıplom jobalaryn júzege asyrýdy jáne qazaqstandyq ýnıversıtetterdiń QS Asia men THE Asia reıtıngilerinde joǵarylaýyn qamtamasyz etedi.
Osynyń bári Qazaqstandy Shyǵys pen Batys arasyndaǵy tranzıttik alań ǵana emes, akademııalyq bilim salasyndaǵy mańyzdy alańǵa aınaldyrady.
Búgingi tańda 39 sheteldik joǵary oqý ornymen seriktestik ornatylǵan.