Sheteldikter Qazaqstanǵa qandaı maqsatpen jıi keledi

ASTANA. KAZINFORM — Qazaqstanǵa keletin sheteldikterdiń sany jyldan jylǵa ósip jatyr. Bul týraly Іshki ister mınıstriniń birinshi orynbasary Baýyrjan Álenov málim etti. 

— Bıyl birinshi jartyjyldyqta elge 7,5 mln shetel azamaty (elden shyqqandar — 7,2 mln.) keldi. Ótken jylmen salystyrsaq, 600 myń adamǵa ósip otyr. Olardyń 90 paıyzy Táýelsiz memleketter dostastyǵy elderiniń azamattary. Búginde Qazaqstanda 212 myń shetel azamaty turaqty turyp jatyr. Onyń 42 myńy Almaty qalasynda, 32 myńy Almaty oblysynda, 17 myńy — Astana men Qaraǵandy oblysynda. Olardyń sany 3 jylda 42% ósti, — dedi Baýyrjan Álenov Úkimet otyrysynda.

Іshki ister mınıstrliginiń málimetinshe:

— Qazaqstanda 430 myń shetel azamaty ýaqytsha turyp jatyr;

— 360 myń shetel azamaty elimizge jumys babymen kelgen;

— 17 myń shetel azamaty elimizge otbasy jaǵdaıymen kelgen;

— 8 myń shetel azamaty elimizge bilim alý úshin kelgen.

— 44 myń shetel azamaty elimizge túrli maqsatpen (jeke sharýa, týrızm jáne t.b.) kelgen.

Aıta keteıik, bıyl 1 mln-ǵa jýyq shetel azamaty Qazaqstanǵa kelýge ótinish bergen. 

Sondaı-aq Premer-mınıstr kóshi-qon saıasatyn jetildirýge qatysty mınıstrlerge birneshe mindet júktedi.