Sheteldikter Qazaqstanǵa elektrondy ruqsatpen kiretin bolady
ASTANA. KAZINFORM – Іshki ister mınıstrligi ımmıgranttardyń elge kelýi, elde bolýy jáne elden shyǵýy qaǵıdalaryna ózgerister engizýdi kózdeıtin buıryq jobasyn ázirledi.
Jobaǵa sáıkes, shetel azamattary men azamattyǵy joq adamdarǵa Qazaqstanǵa kirýge elektrondy ruqsat berý tetigi engiziledi. Bul kóshi-qon aǵyndaryn ashyq, jedel ári tolyq esepke alýdy qamtamasyz etedi.
ІІM-niń túsindirýinshe, elektrondy ruqsatty rásimdeý úshin alynatyn tólem mólsherin saralaý aqparattyq júıelerdiń úzdiksiz jumysyn qamtamasyz etýge, tsıfrlyq ınfraqurylymdy jetildirýge jáne azamattardyń derbes derekterin qorǵaý deńgeıin arttyrýǵa qajetti shyǵyndardy óteýge múmkindik beredi.
Elektrondy ruqsat berý júıesin 2026 jyldyń tamyzynan jeltoqsanyna deıin kezeń-kezeńimen engizý josparlanǵan. Mınıstrlik munyń barlyq ótkizý beketindegi jańa júıeniń birqalypty iske qosylýyn qamtamasyz etetinin atap ótti.
Qujat «Ashyq NQA» portalynda jarııalandy. Ony qoǵamdyq talqylaý 17 tamyzǵa deıin jalǵasady.
Aıta keteıik, buǵan deıin polıtseıler sheteldikterdiń Qazaqstanda zańdy júrgenin tekserýge mindettelgen edi.
