Sheteldikter Qazaqstan azamattaryna alıment tóleı me

ASTANA. KAZINFORM – Sheteldikterdiń Qazaqstan azamattarymen ortaq balalary bolǵan jaǵdaıda alıment tóletý tetikteri bar. Bul jóninde QR Ádilet mınıstrligi Májbúrlep oryndatý komıtetiniń tóraǵasy Maqsat Balabekov Ortalyq kommýnıkatsııalar qyzmetinde ótken brıfıngte málimdedi.

– Eger shet memleketpen bizdiń elimizdiń arasynda halyqaralyq kelisimshart bolsa, onda bul máselede eshqandaı keleńsizdik týyndamaıdy. Shet memleket óz azamatyna qatysty sot sheshimin shyǵaryp, Qazaqstanǵa joldaıdy. Bizdiń jergilikti sottarymyz ony maquldap, sheshimdi iske asyrý úshin sot oryndaýshylarǵa jiberedi. Ary qaraı QR «Atqarýshylyq is júrgizý jáne sot oryndaýshylarynyń mártebesi týraly» zańyna sáıkes arnaıy tártippen oryndalady. QR azamattaryna qatysty normadan esh aıyrmashylyǵy joq, – dedi ol.

Aıta keteıik buǵan deıin Qazaqstanda alıment boryshkerleriniń bereshegi 18 mlrd teńgege jetkenin jazǵanbyz.