Sheteldikter astanalyq lombardtardyń birinen 46 mln teńge urlap ketken

ASTANA. KAZINFORM – Astanada polıtsııa altyn urlaǵandardy ustady.

Tergeý barysynda bes adamnan turatyn top qylmysty aldyn ala muqııat josparlaǵany anyqtaldy. Qaskóıler lombardtyń kiltin alyp, ondaǵy qyzmetker túski úziliske shyqqan sátti kútken. Odan soń olar ishke kirip, jalpy quny 45 mıllıon teńge bolatyn 654 altyn buıymdy, sondaı-aq kassadan bir jarym mıllıon teńgeden astam aqshany urlap ketken.

Polisia.kz-tiń málimetinshe, kúdiktiler oqıǵa ornynan izin sýytyp, eldiń batys aımaǵyna qashqan.

Jedel-izdestirý is-sharalarynyń nátıjesinde polıtseıler kúdiktilerdi Oral qalasyndaǵy úılerdiń biriniń aýlasynda ustady, onda olar turǵyn úıdi jalǵa alýǵa tyrysqan. Kúdiktilerdiń basqa eldiń azamattary ekendigi anyqtaldy.

Qazirgi ýaqytta olar qamaýda otyr. Osy fakti boıynsha sotqa deıingi tergeý júrgizilip jatyr.

Eske salsaq, Astanada memleketaralyq izdeýde júrgen eki qylmysker ustalǵany týraly habarlaǵan bolatynbyz.