«Sheteldegi qazaq balalary» týraly kópserııaly derekti fılm túsirildi

Jibek joly telearnasynyń «Sheteldegi qazaq balalary» jobasy kórermenge jol tartty, dep habarlaıdy QazAqparat.

Bul joba – halyqaralyq bala asyrap alý jaıyndaǵy kópserııaly derekti fılm. Baǵdarlamada sheteldik otbasylar asyrap alǵan qazaq balalarynyń taǵdyry baıandalady. Balalarmen tanysa otyryp, ýaqyt óte kele olardyń dúnıetanymy qalaı ózgeretinin, týǵan jerine, tiline, kindik qany tamǵan ólkege tartylys kúshi qanshalyqty myqty bolatynyn biletin bolamyz.

Jobanyń maqsaty – Qazaqstanda bala asyrap alý mádenıetin qalyptastyrý, elimizdiń bolashaǵyna yqpal etetin rýhanı jáne otbasylyq qundylyqtardy nasıhattaý.

Osy baǵdarlama arqyly syrtqa aǵylǵan qazaqstandyq jetim balalar men Qazaqstan arasyndaǵy baılanysty ornatý, týǵan elden jyraqqa ketken búldirshindermen qarym-qatynasty úzbeý kózdelip otyr. Otan týraly olar ne biledi? Elmen olardy ne baılanystyrady? Óz tarıhyn, túp-tamyryn túsiný jasóspirim úshin nege qajet?

Baǵdarlamanyń ekinshi maýsymyn túsirý úshin telearna ujymy AQSh-tyń 13 shtatyna baryp, osy alyp elde alǵash ret úlken aýqymdy túsirilim júrgizdi.

Kalıfornııadan bastap, Nıý-Iorkke deıin, «Sheteldegi qazaq balalary» qandaı oqıǵalarmen bólisti? – Jibek joly arnasyndaǵy kópserııaly derekti fılm áńgimeleıdi.

Joba kórermenge 25 qyrkúıekte jol tartady. Efırge shyǵý kestesi: dúısenbi jáne seısenbi kúnderi, saǵat 14.00-de.