Sheteldik jumys kúshin tartýǵa arnalǵan kvota jumys kúshi sanynyń 0,25%-y mólsherinde bolady
ASTANA. KAZINFORM - QR Eńbek jáne halyqty áleýmettik qorǵaý mınıstrligi vedomstvo basshysynyń «Qazaqstan Respýblıkasynyń aýmaǵynda eńbek qyzmetin júzege asyrý úshin sheteldik jumys kúshin tartýǵa 2026 jylǵa arnalǵan kvotany belgileý týraly» buıryǵynyń jobasyn ázirledi. Qujat týraly aqparat «Ashyq NQA» portalynda jarııalandy.
Joba aıasynda jumys berýshilerge jergilikti atqarýshy organdar arqyly beriletin ruqsattar boıynsha sheteldik jumys kúshin tartýǵa arnalǵan kvota respýblıkadaǵy jumys kúshi sanynyń 0,25%-y kóleminde belgilenýi kózdelgen.
Sonymen qatar, Qazaqstanda eńbek qyzmetine tartylatyn shetel azamattarynyń jalpy sanyn saqtaý maqsatynda jeke tulǵalarǵa eńbek ımmıgranttaryn tartý kvotasyn jumys kúshi sanynyń 2,9%-y deńgeıinde belgileý usynylady.
Buıryq jobasy týraly aqparat 2025 jyldyń 5 jeltoqsanyna deıin qoǵamdyq talqylaý úshin «Ashyq NQA» ınternet-portalynda ornalastyrylǵan.
Osyǵan deıin sheteldik jumys kúshin tartatyn jumys berýshilerge qoıylatyn talaptar ózgeretini týraly jazdyq.