Sheteldik jumys kúshin tartý kvotasy jyl saıyn qysqartylady — Svetlana Jaqypova

ASTANA. KAZINFORM — Sheteldik jumys kúshin tartýǵa arnalǵan kvota jyl saıyn qysqartylady. Bul týraly Eńbek jáne halyqty áleýmettik qorǵaý mınıstrliginiń keńeıtilgen alqa májilisinde vedomstvo basshysy Svetlana Jaqypova aıtty.

Mınıstrdiń aıtýynsha, ishki eńbek naryǵyn qorǵaý maqsatynda jyl saıyn sheteldik jumys kúshin tartýǵa arnalǵan kvota qysqartylyp otyrady. Sonymen qatar qazaqstandyq jumyskerlerdiń tálimgerligin uıymdastyrý qaǵıdalary jáne sheteldik jumys kúshin tartatyn jumys berýshilerge qoıylatyn talaptar bekitildi. Arnaıy ekonomıkalyq aımaq qatysýshylary úshin kadrlardaǵy jergilikti qamtý boıynsha jaǵdaılardy qamtamasyz etý tetigi iske qosyldy.

— Kóshi-qon salasynda tsıfrlyq sheshimderdi belsendi engizý sheteldik jumys kúshin zańdastyrýǵa múmkindik berdi. Ótken jyly memlekettik eńbek ınspektorlar kómegimen 8 myńnan astam sheteldik ózderiniń eńbek sharttaryn tirkep, Qazaqstanda bolýdy zańdastyrdy, — dep vedomstvo basshysy.

Svetlana Jaqypovanyń atap ótýinshe, shetelge jumysqa baratyn azamattardyń quqyqtaryn qorǵaý úshin Qatar jáne Ulybrıtanııamen úkimetaralyq qujattarǵa qol qoıyldy. Koreıa Respýblıkasymen kelisim jasasý máselesi pysyqtalyp jatyr. Munan bólek, Almaty, Túrkistan jáne Shyǵys Qazaqstan oblystarynda kásiptik jáne tildik daıarlaý ortalyqtary ashyldy.

Buǵan deıin 5 jylda jumys kúshi tapshy óńirlerden 103 myń adam kóship ketkenin jazǵan edik.