Sheteldik jumys kúshin tartatyn jumys berýshilerge qoıylatyn talaptar ózgeredi
ASTANA. KAZINFORM — Eńbek jáne halyqty áleýmettik qorǵaý mınıstrligi qazaqstandyq jumysshylarǵa tálimgerlik uıymdastyrý qaǵıdalaryna jáne sheteldik jumys kúshin tartatyn jumys berýshilerge qoıylatyn talaptarǵa ózgerister engizýdi josparlap otyr.
Basqarma basshysynyń tıisti buıryǵynyń jobasy týraly aqparat «Ashyq NQA» portalynda jarııalanǵan.
Qujat qazaqstandyq jumysshylardy kásiptik biliktilikti tanýǵa daıarlaý sapasyn arttyrý maqsatynda sheteldik jumys kúshi qataryndaǵy tálimgerlerge qoıylatyn talaptardy keńeıtýdi kózdeıdi.
Ózgeristerge sáıkes tálimgerdiń jumys jospary bilim men tájirıbeniń berilýin qamtamasyz etip qana qoımaı, sonymen qatar alǵa qoıylǵan maqsattarǵa qol jetkizý jáne qazaqstandyq qyzmetkerdiń kásibı tıimdiligin arttyrý kontekstinde tálimgerlik qyzmetiniń naqty tıimdiligin baǵalaýǵa múmkindik berýi tıis.
Joba tálimgerlik kezinde qyzmetkerdiń alǵan kásibı daǵdylary men bilimin, tájirıbesi men quzyretterin baǵalaý standarttaryn engizedi.
Bul ózgeristerdi engizý qazaqstandyq jumysshylardy daıarlaý sapasyn arttyrýǵa, bilim men tájirıbeniń neǵurlym tıimdi berilýin qamtamasyz etýge, tálimgerlerdi yntalandyrýǵa, kásibı biliktilikti tabysty tanýǵa jaǵdaı jasaýǵa múmkindik beredi.
Aıta ketelik sheteldikter Qazaqstanǵa qandaı maqsatpen jıi keletini týraly jazǵan edik.