Sheteldik týrıster Qazaqstanda bir jylda 1,2 trln teńge jumsaǵan
ASTANA. KAZINFORM – Týrızm jáne sport mınıstriniń orynbasary Erjan Erkinbaevtyń aıtýynsha, byltyr elge kelgen sheteldik týrıster 1 trln teńgeden astam aqsha qaldyrǵan.
- Sheteldik týrısterdi tartý ekonomıkany damytýda sheshýshi ról atqarady. Sheteldik týrıster 2024 jyly elimizdiń aýmaǵynda 1,2 trln teńgeden astam qarajat jumsady, bul ekonomıkaǵa jaqsy úles. 2024 jylǵy 9 aıda sheteldik kelýshilerdiń sany 968 myń adam boldy. Kelýshi týrıster sanynyń edáýir ósýi Almaty (+146%), Qyzylorda (+101%) jáne Jetisý (+62,1%) oblystarynda tirkeldi. Sheteldik týrısterdi tartý boıynsha aımaqtar bólinisinde keıbir aımaqtarda ótken jylmen salystyrǵanda teris dınamıka bar, - dedi ol.
Onyń sózinshe, eldegi qonaqúılerdiń bári bir mezette 226 myń adamdy qabyldaýǵa qaýqarly.
- Ornalastyrý oryndarynyń sany 4 315-ke jetti. Birjolǵy syıymdylyq 226 myńnan astam tósek-orynǵa jetti. Qonaq úılerdi, demalys bazalaryn qosa alǵanda, ornalastyrý obektileriniń jıyntyq tabysy 224 mlrd teńge boldy. Týrıstik salada 538 myń adam jumyspen qamtylǵan. Bul 2023 jyldyń sáıkes kezeńimen salystyrǵanda 7% joǵary, - dedi Erjan Erkinbaev.
Buǵan deıin Ózbekstan men Iran birlesken týrızm komıtetin qurýy yqtımal ekeni málim bolǵan.