Sheteldik marketpleısterden satyp alynǵan taýarlardy jetkizýdiń jańa tártibi engizildi
ASTANA. KAZINFORM - Eýrazııalyq ekonomıkalyq komıssııa keńesi sheteldik marketpleısterden satyp alynyp, elektrondy saýdaǵa salynatyn taýarlardy ákelýdiń jańa tártibi men sharttaryn bekitti. Olar bıyl 1 shildede kúshine enedi.
Endi quny 200 eýrodan tómen taýarlady bajsyz ákelýge bolady. Eger baǵasy odan joǵary bolsa, satyp alynatyn taýardyń jalpy qunynyń 5 paıyzy kóleminde kedendik baj salyǵy men qosylǵan qun salyǵy salynady. Kedendik bajdyń eń tómengi quny kelisine 1 eýro.
Sonymen qatar keıbir taýar sanattaryna, onyń ishinde avtokólikterge, arnaıy kedendik mólsherlemeler qoldanylady.
Qandaı taýarlarǵa jeńildetilgen deklaratsııa qoldanylmaıdy?
Jańa erejeler aıasynda elektrondyq saýdada jeńildetilgen deklaratsııalaý tártibi júrmeıtin taýarlardyń tizimi de bekitildi. Bular — zań boıynsha jeke paıdalanýǵa arnalǵan taýar dep sanalmaıtyn ónimder. Atap aıtqanda, kúnge qyzdyrynýǵa arnalǵan solıarııler, ishten janý qozǵaltqyshtary, medıtsınalyq jıhazdar, oıyn avtomattary jáne basqa da taýarlar osy sanatqa kiredi.
Buǵan qosa, ákelý men áketýge erekshe talap qoıylatyn ónimder de shekteýge ushyraıdy. Olardyń qatarynda qarý-jaraq pen oq-dári, qazba janýarlardyń súıekteri, qaýipti qaldyqtar jáne ózge de taýarlar bar.
Sondaı-aq alkogol ónimderi, temeki buıymdary, qolma-qol aqsha, áýe jáne sý kólikteri, keıbir kólik túrleri men olardyń shassıleri de bul jeńildetilgen tártipke jatpaıdy.
Osylaısha, elektrondyq saýda salasyndaǵy jańa talaptar 2026 jyldyń 1 shildesinen bastap resmı túrde qoldanysqa engiziledi.
Osyǵan deıin parlament depýtattary sheteldik marketpleısterge shekteý engizýdi usynǵan bolatyn.