Sheteldik kózderden qarjylandyrylatyn tulǵalardyń tizilimi jarııalandy
ASTANA. KAZINFORM — QM Memlekettik kirister komıteti resmı www.kgd.gov.kz saıtynda 2024 jyldyń ekinshi jartyjyldyǵynda shetelden qarjylandyrý alǵan tulǵalardyń kezekti tizilimin jarııalady.

Jalpy, 2023 — 2024 jyldary 295 adam málimetterdi usyndy, onyń ishinde turaqty túrde — 118 tulǵa, merzimdi — 96, bir rettik — 81 tulǵa.
— 2023 jyly sheteldik kózderden aqsha jáne (nemese) múlik alý týraly málimetterdi 28,7 mlrd teńge somasyna 267 tulǵa usyndy (2023 jylǵy 1 jartyjyldyqta — 14,3 mlrd teńgege 239 adam, 2023 jylǵy 2 jartyjyldyqta — 14,4 mlrd teńgege 192 adam). 2024 jyly sheteldik kózderden aqsha jáne (nemese) múlik alý týraly málimetterdi 27,2 mlrd teńge somasyna 218 tulǵa usyndy (2024 jylǵy 1 jartyjyldyqta — 13,6 mlrd teńgege 192 adam, 2024 jylǵy 2 jartyjyldyqta — 13,6 mlrd teńgege 200 adam), — delingen Memlekettik kirister komıteti habarlamasynda.
Bul shara azamattardyń memleketke de, úkimettik emes uıymdarǵa da seniminiń deńgeıin arttyrýǵa baǵyttalǵan.
— Óz qyzmeti jáne sheteldik kózderden alynǵan aqsha qarajaty týraly esepterdi usyný týraly talaptar álemdik tájirıbege sáıkes keledi, — delingen habarlamada.
Aıta ketelik Memlekettik kirister komıteti sheteldik kózderden qarjylandyrylatyn tulǵalardyń tizimin jarııalaýǵa qatysty túsinik bergen edi.