Sheteldik kózderden aqsha alyp otyrǵan qazaqstandyqtardyń tizimi jarııalanady
ASTANA. KAZINFORM – Memlekettik kirister komıteti sheteldik kózderden qarjylandyrylatyn tulǵalardyń tizimin jarııalaýǵa qatysty túsinik berdi.
Elimizde 2018 jyly Salyq kodeksine shet memleketterden, sheteldikterden, halyqaralyq jáne sheteldik uıymdardan aqsha nemese ózge de múlik alǵan tulǵalardyń memlekettik kirister organdaryna esep berýi týraly talap engizildi.
Atalǵan esepti zań kómegin kórsetýge, qoǵamdyq pikir, sotsıologııalyq saýalnamalardy zerdeleýge jáne júrgizetin tulǵalar usynady.
- 2022 jyly Salyq kodeksiniń 29-babyna ózgeris engizildi, oǵan sáıkes Memlekettik kirister komıteti resmı ınternet-resýrsynda sheteldik kózderden aqsha nemese ózge de múlik alǵan tulǵalardyń tizimin jarııalaıdy, - deıdi komıtetten.
Ol málimetter jarty jyl saıyn www.kgd.gov.kz. ınternet-resýrsynda ornalastyrylady. Bul qadam azamattardyń memleket pen úkimettik emes uıymdarǵa degen senim deńgeıin arttyrýǵa baǵyttalǵan.
Sonymen, 2023 jylǵy І jartyjyldyqta sheteldik kózderden aqsha jáne múlik alý týraly málimetti 239 adam usyndy (19.09.2023 jyly jarııalandy).
2023 jyldyń 2 jartyjyldyǵynda 192 adam boıynsha málimetter jarııalandy (20.03.2024).
2024 jyldyń 1 jartyjyldyǵynda 192 adam boıynsha málimetter jarııalandy (19.09.2024).
2024 jyldyń 2 jartyjyldyǵyndaǵy tizim 2025 jyldyń 20 naýryzyna deıin jarııalanady.
Aıta keteıik, sheteldik kózderden aqsha alyp otyrǵan qazaqstandyqtar men uıymdardy anyqtaý tájirıbesi burynnan bar.