Sheteldik kınologtar nelikten qazaqy tazyǵa tánti
ASTANA. KAZINFORM – Tazynyń halyqaralyq deńgeıde moıyndalýy Qazaqstanǵa bul tuqymnyń shyqqan eli mártebesin bekitip qana qoımaı, onyń qazaq halqynyń mádenıetimen jáne dástúrli turmys-tirshiligimen tarıhı baılanysyn halyqaralyq tuqym standartyna engizýge múmkindik berdi.
Bul týraly BIZDIÑ ORTA podkastynda qonaq bolǵan Qazaqstan Kınologtar odaǵynyń prezıdenti Baýyrjan Serikqalı aıtty.
Onyń aıtýynsha, Qazaqstan bul tarıhı baılanysty tuqymnyń halyqaralyq standartynda naqty kórsetýdi maqsat tutty.
— Biz bul tarıhı baılanystyń, ıaǵnı tuqymnyń halqymyzdyń dástúrli, kóshpeli ómir saltymen baılanysynyń halyqaralyq standarttyń ózinde kórinis tabýyna ádeıi kúsh saldyq. Tipti standartta tazynyń «Jeti qazyna» uǵymyna kiretini naqty kórsettik, — dedi sarapshy.
Odaq basshysynyń aıtýynsha, halyqaralyq deńgeıde moıyndalý tazy tuqymyn saqtaýdyń eń senimdi tetikteriniń birine aınaldy.
— Biz tarıhymyzdyń sımvolyn bekittik, bul tuqymdy halyqaralyq tizilimderge engizdik, — dedi Baýyrjan Serikqalı.
Sarapshynyń atap ótýinshe, sheteldik kınologtardyń tazyǵa qyzyǵýshylyǵy onyń baıyrǵy tuqymdar ishindegi ózindik erekshelikterine de baılanysty. Mundaı ıtter tabıǵı suryptalý nátıjesinde qalyptasyp, belgili bir ortada ómir súrýge jáne jumys isteýge qajetti qasıetterin saqtap qalǵan.
— Tazy syndy baıyrǵy ıt tuqymdary tabıǵı jolmen qalyptasqan, bul — halyqtyń tabıǵı suryptaýynyń nátıjesi. Sondyqtan bizdiń tazyǵa degen qyzyǵýshylyq óte joǵary, — dep túsindirdi ol.
Tazy tuqymy halyqaralyq deńgeıde moıyndalǵannan keıin halyqaralyq chempıonattarǵa qatysa bastady. Sonyń arqasynda sheteldik mamandar qazaqy ıt tuqymyn iri kınologııalyq is-sharalarda kózbe-kóz kórýge múmkindik aldy.
Munyń ústine halyqaralyq mártebe tazynyń ózine ǵana emes, onyń ıeleri men tuqym ósirýshilerine de jańa múmkindikter ashty. Endi olar iri halyqaralyq is-sharalarǵa qatysyp, kınologııalyq ataqtarǵa talasa alady jáne qazaqy tazyny sheteldik aýdıtorııaǵa tanystyrý múmkindigine ıe.
Osyǵan deıin sheteldik sarapshylardy qazaqy tazynyń qaı qasıeti qyzyqtyratyny týraly jazdyq.
