Sheteldik ınvestorlar Qazaqstannyń memlekettik baǵaly qaǵazdaryna 750 mlrd teńge saldy
ASTANA. KAZINFORM – Ulttyq bank tóraǵasy Tımýr Súleımenovtiń aıtýynsha, jyldyń 11 aıynda sheteldik ınvestorlar Qazaqstannyń memlekettik baǵaly qaǵazdaryna 750 mlrd teńge salǵan.
- Qarashada jyl basynan beri teńge baǵamy 1 AQSh dollary úshin 512,57 teńgege deıin, ıaǵnı, 2,4 paıyzǵa deıin nyǵaıdy. Aıyrbas baǵamynyń serpini dezınflıatsııalyq saıasattyń júrgizilýimen baılanysty, - dedi ol Úkimet otyrysynda.
Aıtýynsha, bul shara otandyq jáne sheteldik ınvestorlar arasynda teńgedegi aktıvterge degen qyzyǵýshylyqty arttyrǵan.
- Beırezıdentterdiń memlekettik baǵaly qaǵazdarǵa salǵan portfeldik ınvestıtsııalary 11 aıda shamamen 750 mlrd teńgege, al qarashada ǵana 340 mlrd teńgege ulǵaıdy. Valıýta naryǵyna Ulttyq banktiń shetel valıýtasyn satý operatsııalary da yqpal etti, - dedi Tımýr Súleımenov.
Aıta keteıik, búgin Úkimette 11 aıdyń áleýmettik-ekonomıkalyq damý qorytyndysy qaralyp jatyr.
