Sheteldik BAQ-taǵy Qazaqstan: Reseı men Frantsııa prezıdentteriniń sapary jáne Abý-Dabı – Túrkistan áýe reıci
Osy aptada sheteldik BAQ-ta Túrki tildi aqparat agenttikteriniń alıansy, Abý-Dabı – Túrkistan baǵytynda áýe reıci, Qazaqstanǵa Frantsııa men Reseı prezıdentteriniń sapary týraly maqalalar legi jarııalandy. Tolyǵyraq Kazinform sarapshysynyń sholýynda.
Anadolu: Túrki tildi aqparat agenttikteriniń alıansy quryldy
Túrkııanyń Anadolu agenttigi 6 qarashada Túrkııanyń Ystanbul qalasynda ótken túrki tildi elderdiń medıa sammıti aıasynda Túrki tildi aqparat agenttikteriniń alıansyn qurý týraly deklaratsııaǵa qol qoıylǵanyn habarlady.
Alıans quramyna «Qazcontent» AQ (Qazaqstan), Anadolu ajance (Túrkııa), AZERTAC (Ázirbaıjan), KABAR (Qyrǵyzstan), UZA (Ózbekstan) halyqaralyq aqparat agenttikteri múshe boldy.
Budan bylaı túrkitildes memleketter arasynda aqparat almasý, jalǵan jańalyqtarǵa qarsy birlese kúresý jáne ózara tájirıbe almasý jeńildeıdi. Budan bólek «Buqaralyq aqparat quraldaryndaǵy birlik jáne bolashaqqa kózqaras» taqyrybynda ótken Túrki memleketteri aqparat agenttikteriniń medıa-forýmynda tsıfrlyq quraldardy tıimdi qoldaný jáne birlesken jobalardy júzege asyrý jaıy da talqylandy.
Zawya: Abý-Dabı – Túrkistan baǵytynda ushaq bıletteri satylymǵa shyqty
Zawya agenttigi Birikken Arab ámirlikteriniń «Wizz Air Abu Dhabi» ulttyq kompanııasy Ortalyq Azııanyń eń mańyzdy tarıhı qalalarynyń biri Túrkistanǵa áýe reıcin ashatyny týraly habarlady. Jańa baǵyt qos qala turǵyndary jáne qonaqtary úshin týrıstik múmkindikterdi keńeıtedi dep kútiledi. Alǵashqy reısti 2024 jyly aqpan aıynda iske qosý josparlanǵan. Bıletter qazirdiń ózinde satylymǵa shyqty. Wizzair.com resmı saıty jáne mobıldi qosymshasynda satylady. Bılet baǵasy 20 myń teńgeden (159 dırham) bastalady. Reıster aptanyń seısenbi, beısenbi jáne senbi kúnderine belgilenip otyr. Aıta keteıik, Wizz Flex kómegimen jolaýshylar bılet brondaı alady. Sonymen qatar reısti ushý ýaqytynan úsh saǵat buryn eshqandaı komıssııasyz ózgerte alady. Avıakompanııanyń nesıesi retinde jol júrý qunynyń 100 %-yn óteledi.
«Wizz Air Abu Dhabi» ulttyq kompanııasynyń basqarýshy dırektory Iohan Eıdhagenniń aıtýynsha, tańǵajaıyp peızajdary men baı mádenıetiniń arqasynda Qazaqstanǵa, onyń ishinde Túrkistan óńiriniń týrıstik áleýetine saıahatshylardyń qyzyǵýshylyǵy artyp keledi. Ejelgi Jibek jolyn zerttegisi keletinder úshin qyzyqty ári qoljetimdi saıahat usynylyp otyr. Túrkistanǵa ashylyp otyrǵan jańa baǵyt atalǵan áýe kompanııasynyń Qazaqstandaǵy úshinshi jelisi bolyp sanalady.
Aıta keteıik, qazirgi tańda Túrkistan halyqaralyq áýejaıy Ystanbul jáne Ál-Kýveıt sekildi halyqaralyq, sondaı-aq Astana, Almaty, Aqtaý, Aqtóbe, Oral, Qaraǵandy syndy respýblıka ishilik áýe baǵyttaryna qyzmet kórsetip keledi.
Foreignpolicy: Qazaqstan kóshbasshysy beıtaraptyqty ónerge aınaldyryp otyr
Foreignpolicy aqparat agenttigi Qazaqstan Prezıdenti Qasym-Jomart Toqaev Reseı, Qytaı jáne Batys arasynda tepe-teńdikti saqtaı otyryp, óz múmkindikterin barynsha arttyryp keledi» dep jazdy.
Qazaqstannyń táýelsiz saıasattanýshysy Dımash Áljanov Foreign Policy basylymyna bergen suhbatynda: «Qazaqstan basty qatysýshylardyń qajettilikterin túsinedi jáne barlyǵynyń kóńilinen shyǵyp, sanktsııalarǵa ushyramaý úshin baryn salyp jatyr», - dep jazdy.
Reuters: «Kóppolıarly álemdi qalyptastyrý úderisi tym aýyr jaǵdaıda ótip jatyr»
7 qarasha kúni Reuters aqparat agenttigi Qazaqstan Respýblıkasynyń Prezıdenti Qasym-Jomart Toqaevtyń «Izvestııa» gazetine bergen suhbatynda dúnıejúziniń ár qıyrynda qaqtyǵystar, sanktsııalyq teketirester, saýda soǵysy órshigen jaǵdaıda zamanaýı kóppolıarly álemdi qalyptastyrý úderisi tym aýyr jaǵdaıda ótip jatyr dep málimdegenin habarlady.
Biraq Qasym-Jomart Toqaevtyń «Izvestııa» gazetine bergen suhbatynda «kez kelgen qaıshylyqty BUU Jarǵysynyń normalary men qaǵıdattaryna saı sheshýge bolatynyna kámil senetinin» aıtqan.
«Alaıda parasat pen yntymaq jikke bóliný men ózimshildikten ústem bolaryna senimdimin. Álem tarıhynda mundaı mysaldar jetkilikti. Túptep kelgende, jahan jurty uzaqmerzimdi beıbitshilik ornaıtyn kúnge jetedi», - dedi ol.
Anadolu:Kremlde Pýtınniń Qazaqstanǵa sapary Eýropanyń Astanamen baılanysyna «táýelsiz» ekenin málimdeıdi
Anadolu agenttigi Vladımır Pýtın Qazaqstanǵa keler aldynda Kreml «bul sapar ekijaqty qarym-qatynasty damytýǵa baǵyttalǵan» dep málimdegeni týraly jazdy.
Maqalada Kreml Pýtınniń beısenbide Qazaqstanǵa sapar shegetini, onyń barysynda qazaqstandyq áriptesi Qasym-Jomart Toqaevpen kelissózder júrgizetini, Qostanaı qalasyndaǵy 19-shy Reseı-Qazaqstan óńiraralyq yntymaqtastyq forýmyna beınekonferentsııa rejıminde qatysatyny jáne birqatar kelisimderge qol qoıatyny týraly aıtylǵan.
Emerging-europe: Tıimdi jeke qarjyny jumyldyrý - Qazaqstandaǵy ártaraptandyrýdyń kilti
Emerging-europe agenttigi 7 qarashada Qazaqstannyń «Báıterek» memlekettik holdınginiń reformasy uzaq merzimdi damýǵa áser etip, tıimdi qarjy naryqtaryn damytyp, jeke kapıtaldy tıimdi jumyldyra alady dep habarlady. Maqalada Dúnıejúzilik banktiń jańa esebine sáıkes, óziniń tolyq áleýetine qol jetkizý úshin Qazaqstannyń «Báıterek» memlekettik holdıngi óziniń basqarýyn, uıymdyq qurylymyn jáne qyzmetin orta merzimdi damýǵa áser etý men qarjy naryǵyn qurýǵa kóbirek kóńil bólýi qajettigi týraly jazylǵan.
«Báıterek» – ekonomıkanyń óndirýshi emes sektorlaryn, sonyń ishinde ShOB, aýyl sharýashylyǵy jáne turǵyn úı qurylysyn jeńildetilgen qarjylandyrý jáne qomaqty memlekettik resýrstardy paıdalana otyryp, táýekelderdi bólý arqyly damytýǵa arnalǵan qazaqstandyq memlekettik holdıng.
2022 jylǵa qaraı «Báıterektiń» shoǵyrlandyrylǵan aktıvteri eldiń JІÓ-ne qatysty shamamen 12% - ǵa deıin ósken.
Euractiv:Qazaqstan tartymdy «ıadrolyq» oıynshyǵa aınalyp keledi
Euractiv agenttigi 7 qarashada Qazaqstan óz tarıhyndaǵy alǵashqy atom elektr stantsııasyn salý týraly referendým ótkizýge daıyndalyp jatqan kezde, ýranǵa baı el Eýropa men Azııanyń túıisken jerinde ıadrolyq energetıka jáne strategııalyq paıdaly qazbalar salasyndaǵy tartymdy oıynshyǵa aınalyp, barǵan saıyn halyqaralyq qaýymdastyqtyń nazaryn ózine aýdaryp otyrǵany týraly jazady.
Prezıdent Qasym-Jomart Toqaev qyrkúıek aıynda Qazaqstan halqyna jyl saıynǵy Joldaýynda Qazaqstan jaqyn arada óziniń alǵashqy atom elektr stantsııasyn salý ne salmaýyn sheshý úshin referendým ótkizetini týraly málimdedi. Ortalyq Azııanyń eń úlken jáne resýrstarǵa baı eli bolyp sanalatyn Qazaqstannyń Úkimeti elektr energııasyn óndirý qýattaryn ártaraptandyrý qajet dep, bul ıdeıany kópten beri talqylap keledi. Tipti Almaty oblysynyń ońtústik-shyǵys bóliginde AES salynýy múmkin oryndy aıqyndap ta qoıdy.
«Bizde tehnologııalar da, resýrstarymyz da bar jáne Qazaqstan halqy jalpyulttyq referendýmda osyndaı qadamdy qoldap daýys bergen jaǵdaıda atom energetıkasyn damytýǵa erik - jigerimiz de jetkilikti»,-dedi Euractiv qatysqan Astanada ótken baspasóz máslıhatynda Qazaqstan Syrtqy ister mınıstriniń orynbasary Roman Vasılenko.
