Sheteldik BAQ-taǵy Qazaqstan: Álemdegi orta derjava jáne Prezıdenttiń Qatarǵa sapary
Osy aptada birqatar sheteldik BAQ-ta elimiz týraly kóptegen maqalalar jarııalandy. Álemdik baspasóz betterinde Qazaqstannyń álemniń orta derjavalarynyń qataryna qosylýy, Memleket basshysynyń Qatarǵa saparynyń qorytyndylary jáne BAÁ úkimetimen jańa almasý baǵdarlamasy týraly maqalalar legi jarııalandy. Tolyǵyraq Kazinform sarapshysynyń sholýynda.
The Times of Central Asia: Qazaqstan prezıdenti - Qatar Konsýltatıvtikkeńesi aldynda sóz sóılegen alǵashqy sheteldik kóshbasshy
Times of Central Asia agenttigi Qazaqstan Prezıdenti Qasym-Jomart Toqaevtyń 13-14 aqpanda Qatarǵa memlekettik sapary barysynda Dohada Konsýltatıvtik assambleıanyń (Májilis ash-Shýra) músheleri aldynda sóz sóılegenin habarlady.
Maqalada Qazaqstan tarapy men Qatar Ámiri Tamım ben Hamad ál-Tánı arasyndaǵy kelissózder nátıjesinde on shaqty qujatqa qol qoıylǵany týraly jazylǵan. Negizgi kelisim «QazaqGaz» AQ memlekettik kompanııasy men Qatar UCC Holding arasyndaǵy Qashaǵan ken ornynda gaz óńdeý zaýytyn salýdaǵy yntymaqtastyqqa, sondaı-aq «Samuryq-Qazyna» UÁAQ, QR Energetıka mınıstrligi men Qatar halyqaralyq energetıkalyq holdıngi arasyndaǵy energetıka jáne gaz salasyndaǵy jobalarǵa baǵyttalǵan.
«Toqaev memlekettik deńgeıdegi kelissózderden keıin elderarasyndatolyqqandy strategııalyq áriptestik ornatýdy usyndy. Sonymen qatar, Toqaev 2025 jyly Parsy shyǵanaǵy men Ortalyq Azııany baılanystyratyn ıntermodaldyq kólik jelisin damytý, sondaı-aq aýyl sharýashylyǵy salasyndaǵy yntymaqtastyqty keńeıtý jáne bir-biriniń astanalarynda Qazaqstan men Qatardyń mádenı kórmelerin uıymdastyrý qajet ekenin atap ótti», - delingen The Times of Central Asia maqalasynda.
Kelissózder barysynda Qazaqstan Prezıdenti Qatarǵa 250 mıllıon dollarǵa 60 shıkizattyq emes taýardyń eksportyn ulǵaıtýǵa daıyn ekenin málimdedi, sondaı-aq ekijaqty saýdany 500 mıllıon dollarǵa deıin ulǵaıtýdy usyndy.
Trend.az: Qazaqstan men Qatar taǵy bir gaz óńdeý zaýytyn salýdy josparlap otyr
Ázerbaıjannyń Trend.az aqparat agenttigi «Samuryq-Qazyna» AQ (Qazaqstannyń Ulttyq ál-aýqat qory), QR Energetıka mınıstrligi jáne Power International Holding WLL tobyna kiretin qatarlyq Urbacon Concessions Investments WLL kompanııasy Dohada ózara túsinistik týraly Memorandýmǵa qol qoıǵanyn habarlady. Taraptar arasyndaǵy kelisim qýattylyǵy 6 mlrd tekshe metr gaz óńdeý zaýytynyń qurylysyn salýdy kózdeıdi.
«Qujattyń maqsaty-Qashaǵan ken ornynda gaz óńdeý zaýytyn salý jobasyn birlesip ázirleý jónindegi nıetterdi bekitý», - delingen Trend.az maqalasynda.
Agenttiktiń málimetinshe, buǵan deıin qazaqstandyq QazaqGaz kompanııasy men qatarlyq UCC Holding kompanııasy Qashaǵan ken ornynda qýaty jylyna 1 mlrd m3 jáne jylyna 2,5 mlrd m3 bolatyn eki gaz óńdeý zaýytyn salý týraly kelisken.
«Kelisim sheńberinde ınvestıtsııa tartylady jáne jobalardy qarjylandyrý uıymdastyrylady. Bul zaýyttardyń qurylysy Qazaqstanda taýarlyq gazdyń resýrstyq bazasyn ulǵaıtýǵa yqpal etedi», - delingen maqalada.
Sonymen qatar, agenttik Qazaqstan Orta merzimdi perspektıvada jańa gaz ken oryndaryn engizý esebinen gaz óndirýdi ulǵaıtýdy josparlap otyrǵanyn málimdedi.
Doha news: Qatar men Qazaqstan kóptegen kelisimder arqyly qarym-qatynasty nyǵaıtady
Doha news aqparat agenttigi Qazaqstan men Qatar arasyndaǵy qarym-qatynasty nyǵaıtý týraly maqala jarııalady. Maqalada Qazaqstan Prezıdenti memlekettik saparmen Qatardyń astanasy Dohaǵa kelgeni týraly jazylǵan. Saltanatty rásimge Qatar Ámiri sheıh Tamım ben Hamad Ál-Tánı men Qazaqstan Prezıdenti Qasym-Jomart Toqaev tóraǵalyq etip, eki el arasyndaǵy birneshe mańyzdy kelisimder men ózara túsinistik týraly memorandýmdarǵa qol qoıǵan.
«Bul rásim zań, jumyspen qamtý, aqparattyq tehnologııalar, áleýmettik damý, jastar bastamalary, adaldyq, bank isi, telekommýnıkatsııa, energetıka jáne ınfraqurylym jobalaryn qosa alǵanda, keń aýqymdy sektorlardaǵy yntymaqtastyqty nyǵaıtýdaǵy mańyzdy kezeń»,- delingen Doha news maqalasynda.
Agenttiktiń málimdeýinshe, bul jobalar eki eldegi energetıka sektorynyń ósýi men turaqtylyǵyna aıtarlyqtaı úles qosady dep kútiledi.
Euractiv:Qazaqstan «Orta derjavalar» qataryna endi
Euractiv agenttigi halyqaralyq qatynastar men qaýipsizdikti zertteýge mamandanǵan Germanııanyń taldaý ortalyǵy 20 mıllıon halqy bar, teńizge shyǵa almaıtyn Ortalyq Azııa eli Qazaqstandy alǵash ret «orta derjava» sanatyna jatqyzǵanyn habarlady. Germanııadaǵy «Ǵylym jáne saıasat qory» (SWP) ǵylymı-taldaý ortalyǵy álemdik «orta derjavalarǵa» arnalǵan zertteýdi 23 qańtarda jarııalaǵan.
Euractiv aqparat agenttiginiń habarlaýynsha, zertteýshiler Qazaqstandy baıypty syrtqy saıasatymen, Ortalyq Azııadaǵy negizgi oıynshy retinde ornyqqany, baı resýrstarymen jáne «Orta dálizdiń» negizgi elementi retinde erekshe atap ótti.
«Qazaqstan AQSh pen Eýropanyń qyzyǵýshylyǵyn týdyrǵan baı resýrstarǵa ıe (ásirese munaı, metaldar, paıdaly qazbalar jáne sırek kezdesetin jer elementteri). Eldiń ekologııalyq taza energııa kózderin (sýtegi) óndirýge áleýeti bar, oǵan Eýropalyq Odaq (EO) sońǵy ýaqytta qyzyǵýshylyq tanytyp otyr»,- dep keltiredi Euractiv zertteýiniń avtorlary.
Wam.ae Memlekettik tájirıbe almasý baǵdarlamasy Qazaqstan, Malta jáne Madagaskar elderimen kóshbasshylyqty damytýdyń jańa baǵdarlamalaryn jarııalaıdy
Wam.ae arab aqparat agenttigi BAÁ-degi Memlekettik tájirıbe almasý baǵdarlamasy Qazaqstanmen, Maltamen jáne Madagaskarmen kóshbasshylyqty damytý baǵdarlamalarynyń iske qosylǵany týraly habarlady. Bul týraly 2024 jylǵy Dúnıejúzilik úkimet sammıti kezinde aıtylǵan.
Agenttiktiń málimetinshe, baǵdarlama BAÁ modernızatsııalaý jáne ulttyq damý salasynda qabyldanǵan ozyq tájirıbeler men bilim almasý alańy. Kóshbasshylyq baǵdarlamasy Muhammed bın Rashıd kóshbasshylyqty damytý ortalyǵymen jáne Muhammed ben Rashıd basqarý mektebimen birlesip ázirlengen.
«Baǵdarlama Dúnıejúzilik úkimettik sammıtke qatysýshy elder men BAÁ úkimeti arasynda biregeı tájirıbe qurýǵa baǵyttalǵan. Qosarly baǵdarlamalar odan paıda alý úshin ár eldiń talaptaryna sáıkes jasalǵan», - dep habarlady mınıstrler kabınetiniń básekege qabilettilik jáne bilimmen almasý jónindegi orynbasary Abdýlla Naser Lýt.
Olardyń málimetteri boıynsha, BAÁ úkimetiniń tájirıbe almasý baǵdarlamasy 180-nen astam úkimet basshylaryn – 46 eldiń ókilderin daıyndady.
