Sheteldik BAQ ókilderine Qazaqstannyń týrıstik oryndary tanystyryldy
ASTANA. KAZINFORM – QR Týrızm jáne sport vıtse-mınıstri Erjan Erkinbaev elordada sheteldik BAQ ókilderimen kezdesip, Qazaqstannyń týrıstik oryndary týraly aıtyp berdi.
Іs-sharaǵa Shanhaı yntymaqtastyq uıymyna múshe memleketter basshylary keńesinen aqparat taratýǵa kelgen Germanııa, Úndistan, Ispanııa, Italııa, Ońtústik Koreıa, Lıvan, Malaızııa, AQSh, Chehııa jáne Serbııa jýrnalısteri qatysty.
Kezdesý barysynda Erjan Erkinbaev jýrnalısterge Qazaqstandaǵy týrızmniń damýy, marketıng salasynda júrgizilip jatqan saıasat, týrıstik ınfraqurylymnyń damýy jáne eldiń vızalyq rejımi týraly egjeı-tegjeıli aıtyp berdi.
Sondaı-aq vızasyz rejım engizilgen elder tizimin keńeıtý jáne Eýropa men Taıaý Shyǵys elderimen tikeleı áýe reıster sanyn ulǵaıtý máselelerine erekshe nazar aýdardy.
Jýrnalıster týrıstik aǵyndy damytýǵa, ınfraqurylymǵa jáne «Qytaıdaǵy Qazaqstan týrızmi jylyn» ótkizý jónindegi bastamalarǵa qyzyǵýshylyq tanytty. Áńgime barysynda Qazaqstanda týrızm salasyn damytýǵa qatysty ózekti máseleler kóterildi.
Jıynǵa qatysýshylar Qazaqstannyń týrıstik áleýeti, týrıster men saıahatshylardyń múddeleri, sondaı-aq Qazaqstan men ózge elder arasyndaǵy týrıstik aǵymdy odan ári ulǵaıtý perspektıvalary týraly óz pikirlerin ortaǵa saldy.
