Sheteldik BAQ ókilderin akkredıtteý tártibi jetildiriledi
ASTANA. KAZINFORM — Qazaqstan aýmaǵynda qyzmetin júzege asyratyn sheteldik buqaralyq aqparat quraldaryn jáne olardyń ókilderin akkredıtteý tártibi jetildiriledi. Syrtqy ister mınıstriniń osyǵan qatysty buıryq jobasy ashyq normatıvtik-quqyqtyq aktiler portalynda jarııalandy.
Vedomstvonyń málimetinshe, jobanyń maqsaty — halyqaralyq tájirıbeni jáne aqparattyq ózara is-qımyldy uıymdastyrýdyń zamanaýı tásilderin eskere otyryp, Qazaqstan Respýblıkasy Syrtqy ister mınıstrligi janyndaǵy sheteldik buqaralyq aqparat quraldary ókilderin akkredıtteý tártibin jetildirý.
— Kózdelip otyrǵan ózgerister uıymdastyrýshylyq sıpatta bolady jáne qoldanystaǵy rásimderdi retke keltirýge baǵyttalǵan. Bul rette buqaralyq aqparat quraldarynyń kásibı derbestigi, sondaı-aq akkredıtteýdi júzege asyrýdyń túsinikti jáne ashyq sharttary qamtamasyz etiledi, — dep naqtylaıdy mınıstrlikten.
Buıryq jobasy 29 qyrkúıekke deıin qoǵamdyq talqylaýǵa shyǵarylyp otyr.
Aıta ketelik Qazaqstanda jas jýrnalısterge arnalǵan tsıfrlyq platforma iske qosylǵan edi.
