Sheteldik azamat 200 myń eýrony shekaradan zańsyz shyǵarmaq bolǵan

ASTANA. KAZINFORM – Astanada sheteldik azamat Qazaqstannan 200 myń eýrony zańsyz áketýge árekettengeni úshin jaýapqa tartyldy. Bul týraly Bas kólik prokýratýrasy habarlady.

Qylmystyq isti qaraǵan Astana qalasynyń Qylmystyq ister jónindegi aýdanaralyq soty qolma-qol valıýtany tárkilep, memleket kirisine aýdarý týraly úkim shyǵardy.

Prokýratýranyń túsindirýinshe, shekaradan 10 myń AQSh dollarynan asatyn qolma-qol aqshany tıisti ruqsatsyz alyp shyǵýǵa zań boıynsha tyıym salynady.

- Bıyl valıýtalyq talaptardy buzǵany úshin 129 adam jaýapkershilikke tartylyp, jalpy somasy 88 mln teńgeden astam aıyppul salynǵan, - dep jazdy baqylaýshy organnan.

Vedomstvo azamattardy shekaradan ótý kezinde valıýtalyq operatsııalarǵa qatysty erejelerdi qatań saqtaýǵa shaqyrdy.

Aıta keteıik, SQO turǵyny kóligine jalǵan nómir taǵyp, shekaradan ótpek boldy.