Sheteldikti qonaqúıge 40 myń teńgege jetkizgen taksı júrgizýshisi jumysynan bosatyldy
ASTANA. QazAqparat - Shetel azamatyn áýejaıdan qonaqúıge deıin 40 myń teńgege jetkizgen taksı júrgizýshisi jumysynan bosatyldy, dep habarlaıdy «QazAqparat» HAA tilshisi Jolaýshylar kóligi basqarmasynyń basshysy Bekmyrza Igenberdınovke silteme jasap.
«Sheteldikpen bolǵan jaǵdaıdan keıin, taksı júrgizýshisimen shart toqtatyldy. Ol qazir taksomotorlyq parkte jumys istemeıdi», - dedi ol.
Igenberdınovtyń aıtýynsha, taıaýda Astanada barlyq taksı qyzmeti úshin biregeı tarıf engiziledi.
«Qosymsha jumystar júrgizilip, barlyq taksomotorlyq kompanııalardyń basshylaryn shaqyrdyq, sóılestik. Biz qazir shartty biregeı tarıf engizip, toksomotorlyq kompanııalarmen kelisimge qol qoıdyq. Onda tarıftiń mólsherlemesi belgili bir somadan aspaıtyndyǵy kórsetilgen», - dedi Igenberdınov.
Ol sheteldikterdiń naqty mekenjaıǵa jol aqysynyń qansha bolatyndyǵyn bilýi úshin bul aqparattyń vokzaldarda, áýejaıda, qonaqúılerde taratylatynyn atap ótti.
