Sheteldikterge jalǵa berilgen jerdiń jalpy kólemi 300 myń gektardan asady - B. Jámishev
ASTANA. QazAqparat - Sheteldikterge jalǵa berilgen jerdiń jalpy kólemi 313 myń gektarǵa jýyq. Bul týraly búgin Ortalyq kommýnıkatsııalar qyzmetinde ótken brıfıngte QR Óńirlik damý mınıstri Bolat Jámishev málim etti.
«Sheteldik kompanııalarǵa nemese tulǵalarǵa jalǵa beriletin jer telimderi jobanyń ózin-ózi aqtaý merzimine deıin beriledi. Qazirgi ýaqytta ol 10 jyl merzimge deıin shektetilgen. Sheteldikterge jáne shetel ıeligine tıesili kompanııalarǵa 313 myń gektar jer aýyl sharýashylyq maqsattar úshin jalǵa berilgen. Endigi kezekte olar 10 jyldan astam ýaqytqa uzartylady, eger jobaǵa ınvestıtsııa salý talaby oryndalǵanda ǵana 10 jyldan asa merzimge uzartylady. Basqa jaǵdaıda 10 jyldan kóp merzimge beriledi. Bul aıtyp otyrǵanymyz aýyl sharýashylyq maqsattaryna arnalǵan jerler», - dedi B. Jámishev.
Aıta keteıik, búgin Úkimet otyrysynda QR «Keıbir zań aktilerine jer qatynastaryn retteý máseleleri boıynsha ózgerister men tolyqtyrýlar engizý týraly» zań jobasy talqylandy.
