Sheteldikterge Ystyqkólden demalys úıin satyp alýǵa ruqsat beriledi

BІShKEK. QazAqparat – Qyrǵyzstanda qoldanystaǵy zańnamaǵa sheteldik azamattar men kompanııalarǵa «Ystyqkól» bıosferalyq aımaǵynda ornalasqan demalys úıleri men pansıonattarǵa menshik jáne paıdalaný quqyǵyn berýdi kózdeıtin túzetýler qarastyrylýda. Tıisti zań jobasy qoǵamdyq talqylaýǵa shyǵaryldy, dep habarlaıdy QazAqparat menshikti tilshisi.

Qujatqa sáıkes, Ystyqkól kýrorttyq-rekreatsııalyq aımaǵyn damytýǵa sheteldik ınvestıtsııa tartý maqsatynda sheteldik azamattar men sheteldik zańdy tulǵalarǵa «Ystyqkól» bıosferalyq aýmaǵy sheginde pansıonattar, kýrorttar, demalys úıleri, qonaq úıler satyp alýǵa, sondaı-aq osy obektiler ornalasqan jer ýchaskelerin ýaqytsha paıdalanýǵa ruqsat etiledi.
Osy zań jobasyn qabyldaý sheteldikterge Qyrǵyzstan Respýblıkasynyń búkil aýmaǵynda, shekara mańyndaǵy, onyń ishinde erekshe mártebesi bar aýmaqtardy qospaǵanda, týrıstik salaǵa ınvestıtsııa salýǵa múmkindik beredi.