Sheteldikterge vaktsına aqyly bolady degen aqparat durys emes - departament
ALMATY. QazAqparat- Almatynyń Sanıtarlyq-epıdemıologııalyq baqylaý departamenti sheteldikter Qazaqstanda koronavırýsqa qarsy vaktsınany aqsha tólep saldyra alady degen aqparatty joqqa shyǵardy, dep habarlaıdy QazAqparat tilshisi.
«BAQ-ta sheteldik azamattardyń vaktsına saldyrýyna qatysty tarap ketken qate aqparat boıynsha mynany habarlaımyz: buǵan ınternettiń nasharlaýy sebep boldy. ıAǵnı, BAQ ókilderimen onlaın kezdesý barysynda áńgime zerthanalarda jasalatyn PTR-testtiń baǵasy - 8025 teńge týraly bolǵan. Zerthanalar vaktsına salýmen aınalyspaıdy. Sondyqtan bul vaktsınanyń baǵasy degen qate aqparat tarap ketken», - dep habarlady vedomstvadan.
Sonymen qatar, departament ókilderi Qazaqstanda koronavırýsqa qarsy vaktsınatsııa tegin júrgiziletinin málim etti.
Sonymen qatar, vaktsına saldyrýǵa turǵylyqty mekenjaıy bar, onyń ishinde, shetel azamattary eńbek mıgranttary, bosqyndar men qandastardyń quqyǵy bar.
Ýaqytsha turyp jatqan azamattar vaktsına saldyra almaıdy.
Buǵan deıin, onlaın brıfıng barysynda Jandarbek Bekshın Qazaqstanda júrgen shetel azamattary vaktsınany aqyly túrde saldyratynyn aıtqan bolatyn.
