Sheteldikterge arnalǵan E-vıza tek eki áýejaıda ǵana berilmek
ASTANA. QazAqparat - Birinshi kezeńde sheteldikter elektrondy vızamen memlekettik shekarany tek Almaty men Astana áýejaılarda ǵana kesip óte alady. Bul jaıynda QazAqparattyń resmı saýalyna berilgen QR Syrtqy ister mınıstrliginiń jaýabynda aıtylǵan.
«Bastapqy kezeńde sheteldikterdiń elektrondy vızamen Astana men Almatynyń halyqaralyq áýejaılary arqyly ǵana memlekettik shekarany kesip ótý kózdelip otyr», - delingen SІM Halyqaralyq aqparat komıtetiniń jaýabynda.
SІM málimetinshe, qazirgi ýaqytta ilki jobany is júzinde júzege asyrý úshin elektrondy vıza berý júıesiniń qadamdyq algorıtmi, onyń sanaty men elder tizimi ázirlenip, kelisilip jatyr. Sáıkesinshe, sharalar kesheni 2018 jyldyń 16 aqpanynda bekitilgen «Elektrondy vıza» jol kartasyn aıasynda júzege asyrylady.
Aıta keterligi, buǵan deıin Qazaqstanda elektrondy vıza rásimdeý osy jyldan bastap iske qosylatyndyǵy aıtylǵan bolatyn.
