Sheteldikterdiń jumysqa ornalasýyna ruqsat berý jedel ári sapaly bolmaq
ASTANA. 12 sáýir. QazAqparat - Búgin Eńbek jáne halyqty áleýmettik qorǵaý mınıstrliginiń (QR EHÁQM) bastamasymen jergilikti atqarýshy organdardyń, ındýstrııa jáne jańa tehnologııalar, syrtqy ister mınıstrlikteriniń, Bas prokýratýranyń qatysýymen beıne konferentsııa uıymdastyryldy.
Bul týraly QR EHÁQM baspasóz qyzmetinen habarlady.
Shara barysynda shetel azamattarynyń jumysqa ornalasýyna ruqsat berý qyzmetiniń sapasyn arttyrý máseleleri talqylandy.
Investorlar men kásipkerlerge barynsha qolaıly jaǵdaı jasaý úshin Qazaqstan Respýblıkasy Eńbek jáne halyqty áleýmettik qorǵaý vıtse - mınıstri Erǵalı Egemberdi shetel azamattaryna jáne olardyń jumys berýshilerine ruqsat beretin memlekettik qyzmettiń sapasyn arttyrý máselelerin kóterdi. Bıyl mınıstrliktiń bastamasymen sheteldik jumys kúshin tartý Erejesine «E - lıtsenzııalaý» aqparattyq júıesi arqyly ruqsat berý rásimin avtomattandyrýdy qarastyratyn ózgerister engizildi. Sonymen qatar, ruqsat alý úshin usynylatyn qujattardyń tizimi barynsha qysqartyldy.
Budan bólek, ruqsat berýde jergilikti atqarýshy organdardyń jumysyndaǵy kemshilikteri jaıly aıtyldy.
«Ýákiletti organ shetel azamattaryna ruqsat berý kezinde zań buzýǵa jol bermeı, túrli ákimshilik bóget týǵyzýdan aýlaq bolýy kerek» - dep habarlady beıne konferentsııada Kóshi-qon jónindegi Komıtet tóraǵasy Aqmádı Sarbasov.
Jıynnyń qorytyndysy boıynsha mamandar jergilikti atqarýshy organdarǵa ákimshilik rásimdeýdi saqtaý úshin qyzmetkerlerdiń jaýapkershiligin arttyrýdy, qyzmetti áldeqaıda jedel ári sapaly kórsetýdi usyndy.
