Sheteldikterdiń zań buzýyna qazaqstandyqtardyń ózderi kómektesedi - ІІM
«Polıtsııa qyzmetkerleri jyldyń basynan beri elden shyǵarý týraly sot sheshimin oryndaýdan jaltaryp júrgen 149 sheteldikti anyqtady. Olar elden májbúrlep qýyldy. Elden shyǵarýǵa jumsalǵan qarajat sot tártibimen sheteldikti shaqyrǵan nemese onyń eńbegin paıdalanǵan tulǵaǵa polıtsııanyń shaǵymymen óndirip alynady. Operatsııa ótkizilgen ýaqytta májbúrlep shyǵarýǵa jumsalǵan shamamen 1 mln teńge óndirip alyndy», - dedi ol Іshki ister mınıstrliginde ótken brıfıng barysynda.
Onyń atap ótýinshe, kóshi-qon ahýalyna júrgizilgen saraptama sheteldikterdiń elimizdiń aýmaǵyna zańdy túrde keletinin kórsetken.
«Alaıda, keı jaǵdaıda kóshi-qon zańnamasyn buzýshylar qataryna aýysyp ketedi. Buǵan kóp jaǵdaıda Qazaqstan azamattarynyń ózderi kómektesip jatady. Zańbuzýshylyqtardyń basym bóligi - sheteldikterdi ruqsat qujatyn almastan jumysqa tartýǵa baılanysty», - dedi Baýyrjan Omarov.